მამუკა მდინარაძე აცხადებს, რომ „ქართული ოცნება“  სახალხო დამცველობის 8 კანდიდატზე ოპოზიციასთან კონსულტაციებს გააგრძელებს

„ქართული ოცნების“ აღმასრულებელი მდივნის, საპარლამენტო ფრაქცია "ქართული ოცნების" თავმჯდომარის მამუკა მდინარაძის განცხადებით, ხელისუფლება სახალხო დამცველობის მსურველ 8 კანდიდატთან გააგრძელებს ოპოზიციასთან კონსულტაციებს.

როგორც მან პარტიის ოფისში გამართულ ბრიფინგზე ჟურნალისტებს განუცხადა, ეს კანდიდატები არიან: ანა აბაშიძე, გიორგი ბურჯანაძე, ლელა გაფრინდაშვილი, თინათინ ერქვანია, ნუგზარ კოხრეიძე, გიორგი მარიამიძე, ქეთევან ჩაჩავა და იაგო ხვიჩია.

„ომბუდსმენთან დაკავშირებით დღევანდელ სხდომაზე საპარლამენტო უმრავლესობა საქმის კურსში ჩავაყენეთ ოპოზიციასთან გამართულ კონსულტაციებთან დაკავშირებით და აღნიშნულ საკითხზე ვიმსჯელეთ. ოპოზიციის შეხვედრის და დღევანდელი უმრავლესობის სხდომის ერთგვარი საერთო შედეგი შემიძლია გაგაცნოთ.

სულ მოგეხსენებათ, რომ 19 კანდიდატი იყო, აქედან სამმა კანდიდატურა მოხსნა, ერთი საერთოდ არ გამოცხადდა საქართველოს პარლამენტში, ამ ადამიანებზე მსჯელობას ბუნებრივია, არ და ვერ გავაგრძელებდით. დარჩენილი კანდიდატებიდან 7 მათგანთან დაკავშირებით გამოიკვეთა, რომ მათზე კონსულტაციების გაგრძელება არარელევანტურია. შეიძლება ითქვას, რომ თუკი არცერთი პოლიტიკური ჯგუფი „ქართული ოცნების“ ჩათვლით, არ უჭერს მხარს რომელიმე კანდიდატს, ბუნებრივია, ამ კანდიდატებზე კონსულტაციების გაგრძელებას არანაირი აზრი არ აქვს. მათემატიკური გათვლითაც კი, გნებავთ თეორიული შანსი დავარქვათ ან ა.შ. რჩება 8 კანდიდატი, რომელზეც უმრავლესობა გააგრძელებს ოპოზიციასთან კონსულტაციებს. უმრავლესობის გადაწყვეტილებითვე, შემიძლია დღეს მათი სახელები და გვარები გაგაცნოთ. ესენი არიან: ანა აბაშიძე, გიორგი ბურჯანაძე, ლელა გაფრინდაშვილი, თინათინ ერქვანია, ნუგზარ კოხრეიძე, გიორგი მარიამიძე, ქეთევან ჩაჩავა და იაგო ხვიჩია. საზოგადოებას დამატებით უნდა განვუმარტოთ, რომ ამ კანდიდატებზე კონსულტაციების გაგრძელება არ ნიშნავს, რომ მათი უმრავლესობა საპარლამენტო უმრავლესობისთვის არის მისაღები, მაგრამ გამორიცხვის მეთოდით მივედით ლოგიკურ დასკვნამდე, რომ სხვა კანდიდატებზე კონსულტაციების გაგრძელებას არანაირი აზრი არ აქვს. ამიტომ, ამ 8 კანდიდატზე გავაგრძელებთ ოპოზიციასთან კონსულტაციებს“,- განაცხადა მდინარაძემ.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს