მამუკა ხაზარაძე პრემიერ-მინისტრის განცხადებებზე - „ტყუილს მოკლე ფეხები აქვს“

„ლელოს“ ლიდერი მამუკა ხაზარაძე საქართველოს პრემიერ-მინისტრის ირაკლი ღარიბაშვილის მიერ ეკონომიკის ზრდის მაჩვენებლებისა და სამუშაო ადგილების შექმნასთან დაკავშირებით გაკეთებულ განცხადებებს ეხმაურება და აცხადებს, რომ „ტყუილს მოკლე ფეხები აქვს”.

ხაზარაძის თქმით, ქვეყანა 6 თვეში 100 000-მა ადამიანმა დატოვა და „საინტერესოა, რატომ არ საქმდებიან” ისინი „ახალ გახსნილ საწარმოებში და რატომ გარბიან ქვეყნიდან”?

„ქართული ანდაზა - ტყუილს მოკლე ფეხები აქვს.

ტყუილი პირველი: 2021 ერთ სულ მოსახლეზე GDP იყო $ 5,015. პრემიერმა დღეს გვახარა, რომ ის $7,500 გახდება, ეს ნიშნავს ეკონომიკის 40% ზრდა გვქონია ან გვექნება, რაც დაუჯერებელია და არ არის სიმართლე.

ტყუილი მეორე: 100 000 ახალი სამუშაო ადგილი შევქმენითო განაცხადა ასევე პრემიერმა, რასაც დასჭირდებოდა მინიმუმ 2 მილიარდი დოლარის რეალური ინვესტიციები ეკონომიკაში... ან 2000 საწარმო უნდა გახსნილიყო, სადაც საშუალოდ 50 ადამიანი მაინც დასაქმდებოდა... დაუჯერებელი ამბავია, სასაცილოც კი!

გავითვალისწინოთ ისიც რომ ქვეყანა 6 თვეში 100 000 ადამიანმა, რეალურმა სამუშაო ძალამ დატოვა. საინტერესოა რატომ არ საქმდებიან ეს ადამიანები ახალ გახსნილ საწარმოებში და რატომ გარბიან ქვეყნიდან?

ქართველი ეკონომისტების შეფასება მაინტერესებს ამ საკითხებზე!“,- წერს ხაზარაძე სოციალურ ქსელში.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს