ჩინეთის ხელისუფლებამ კოვიდ-რეგულაციების ნაწილის მოხსნა დაიწყო. Reuters-ის ინფორმაციით, ქალაქ შენშენის მაცხოვრებლებს ქალაქის დატოვებისას კოვიდ-ტესტების უარყოფითი პასუხის წარდგენა აღარ დასჭირდებათ.

რაც შეეხება ჩინეთის დედაქალაქ პეკინს, ქალაქის ქუჩებში სავალდებულო კოვიდ-ტესტების გაკეთების რეგულაცია მოხსნა.

გამოცემა წერს, რომ რეგულაციების მოხსნის პარალელურად ჩინეთში კორონავირუსით დაინფიცირების მაჩვენებლები იზრდება, თუმცა, ჩინეთის ხელისუფლებამ რეგულაციების მოხსნის გადაწყვეტილება ქვეყანაში მასშტაბური დემონსტრაციების ფონზე მიიღო.