დავით ხიდაშელი აცხადებს, რომ ანაკლიის პორტის პროექტით დაინტერესებული არ არის

ბიზნესმენი დავით ხიდაშელი ანაკლიის პორტის პროექტით დაინტერესებული არ არის. ამის შესახებ მან „ინტერპრესნიუსს“ განუცხადა.

მისი განმარტებით, გავრცელებული ინფორმაცია იმის შესახებ, რომ ის ანაკლიის პორტით არის დაინტერესებული, ტყუილია.

ცნობისთვის, დღეს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა, რომ საქართველოს მთავრობის გადაწყვეტილებით, ანაკლიის პორტი სახელმწიფო თანამონაწილეობით აშენდება, სადაც 51%-ის მფლობელი სახელმწიფო იქნება, ხოლო დანარჩენზე გამოცხადდება საერთაშორისო კონკურსი და შეირჩევა პარტნიორი კომპანიები.