ხათუნა სამნიძე - ძალიან საცოდავია ხელისუფლება, რომელიც ჩარჩება წარსულში და ვერაფრით იხედება წინ - როდესაც მინისტრი ისევ წარსულზე მელაპარაკება და თითს მიქნევს, მაშინ სად იყო?

ცოტა გაკლდათ, რომ ეკრანზე გაგეშვათ ეს ყველაფერი, რის გამოც ბევრი ჩემნაირი ადამიანი ქუჩაში გავედით იმ ღამეს, როდესაც ეს კადრები გამოქვეყნდა - ესეც ძალადობაა, რაც დღეს ტრიბუნიდან მინისტრმა იკადრა,- ამის შესახებ „რესპუბლიკური პარტიის“ თავმჯდომარე ხათუნა სამნიძემ პარლამენტის პლენარულ სხდომაზე განაცხადა, რითაც გამოეხმაურა იუსტიციის მინისტრის მიერ პარლამენტის ტრიბუნიდან, წინა ხელისუფლების პერიოდთან დაკავშირებული ერთ-ერთი მსჯავრდებულის საქმეზე, წამებისა და გაუპატიურების ფაქტების შესახებ ამონარიდის წაკითხვას.

სამნიძემ ბრეგაძეს მიმართა კითხვით, სად იყო იმ დროს, როდესაც აღნიშნული ფაქტების ამსახველი კადრების გამოქვეყნებას აპროტესტებდნენ.

„ძალიან საცოდავია ხლისუფლება, რომელიც ჩარჩება წარსულში და ვერაფრით ვერ იხედება წინ. ბატონი მინისტრი მოემზადა, წინასწარ ამოაბეჭდინა - ცოტა გაკლდათ, რომ ეკრანზე გაგეშვათ ეს ყველაფერი, რის გამოც ბევრი ჩემნაირი ადამიანი, იმ ღამეს, როდესაც ეს კადრები გამოქვეყნდა, ქუჩაში გავედით. ჩემი 10 წლის შვილი სახლში გარედან ჩავკეტე, რომ აუცილებლად გავსულიყავი. მან მკითხა - დედა, ახლა რომ გააპროტესტებ, აღარ იქნება ძალადობაო? ვერ ვუპასუხე, რადგან ესეც ძალადობაა, რაც დღეს მინისტრმა იკადრა ტრიბუნიდან. საცოდაობაა, რომ როდესაც ასეთი რეაქცია გვაქვს იმაზე, რაც ჩვენი თვალით გვაქვს ნანახი, ფარისევლობას და ქულების დაწერას არქმევთ, ბატონო სპიკერო. ფარისევლობა ისაა, რაც მინისტრმა გააკეთა. მაინტერესებს, სად იყო იმ დღეებში, რამე თუ თქვა და გააკეთა. არასდროს არავის ვეკითხები ხოლმე ამას, რადგან ყველას თავისი არჩევანი აქვს, მაგრამ როდესაც მინისტრი, რომელიც უფრო მაღლა უნდა იდგეს ამ ყველაფერზე, ამას კადრულობს და ისევ წარსულზე მელაპარაკება და თითს მიქნევს, სად იყო, როდესაც ნახევარი თბილისი გარეთ იყო და სასტიკი რეაქცია ჰქონდა. მაშინ რას აკეთებდით, თუ შეიძლება რომ მოგვიყვეთ“, - განაცხადა ხათუნა სამნიძემ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია