რატი ბრეგაძე - ევროატლანტიკურ სტრუქტურებში ინტეგრაციის კონსტიტუციური ვალდებულების ჩანაწერი გაჩნდა 2017 წელს - შესაბამისად, კითხვა -  არის თუ არა „ქართული ოცნება" ევროპული ძალა, არამიზანშეწონილია

იუსტიციის მინისტრმა რატი ბრეგაძემ პარლამენტში „მინისტრის საათის“ ფარგლებში განაცხადა, რომ ჩანაწერი ევროინტეგრაციის ვალდებულების შესახებ საქართველოს კონსტიტუციაში გაჩნდა 2017 წელს, სწორედ „ქართული ოცნების" მმართველობის დროს.

მისი თქმით, კითხვა, არის თუ არა „ქართული ოცნება" ევროპული ძალა, არამიზანშეწონილია.

„პირველი კონსტიტუცია, სადაც გაჩნდა ჩანაწერი და შემდეგში ეს მიიღო პარლამენტმა. ჩანაწერის თანახმადაც, ყველა კონსტიტუციური ორგანო არის ვალდებული, მიიღოს ყველა შესაბამისი ღონისძიება საქართველოს ევროატლანტიკურ სტრუქტურებში სრულფასოვანი ინტეგრაციისთვის. გაჩნდა კონსტიტუციური ვალდებულება და როდის გაჩნდა? - გაჩნდა 2017 წელს, როდესაც ეს საკონსტიტუციო ცვლილებები გატარდა. შესაბამისად, რაიმე სახის კითხვა იმის შესახებ – არის თუ არა „ქართული ოცნება" ევროპული ძალა და ევროპაზე ორიენტირებული, ვფიქრობ, არამიზანშეწონილია. თუნდაც, ეს ერთი კონსტიტუციური ჩანაწერი პასუხობს ყველა კითხვას. ასევე, როდის გაფორმდა ასოცირების შეთანხმება? პასუხი: „ქართული ოცნების" ხელისუფლების დროს; ვის დროს მიენიჭა საქართველოს ევროპული პერსპექტივა? ვფიქრობ, მხოლოდ თარიღები პასუხობს ყველა იმ კითხვას, რომლებიც იყო დასმული", - განაცხადა რატი ბრეგაძემ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია