24 დეკემბერს, ქრისტეშობა სამცხე-ჯავახეთის კათოლიკურმა მრევლმა იზეიმა. ახალციხის რაბათის კათოლიკურ, სავარდის ღვთისმშობლის სახელობის ეკლესიაში საზეიმო ლოცვას მღვდელი, მარეკ ფშეჩევსკი უძღვებოდა.

რელიგიის საკითხთა სახელმწიფო სააგენტოს ინფორმაციით, საქართველოს მთავრობის სახელით, ტაძარში შეკრებილ მრევლს შობის დღესასწაული მიულოცა და წარმატებები უსურვა რელიგიის საკითხთა სახელმწიფო სააგენტოს კოორდინატორმა სამცხე-ჯავახეთში, ელვარდ ზაზაძემ.

შემდგომ სააგენტოს კოორდინატორი დაესწრო ქალაქ ვალეს ღვთისმშობლის შობის სახელობის კათოლიკურ ტაძარში გამართულ საშობაო მსახურებას და ქრისტეშობა მიულოცა მრევლს. მსახურებას ამავე ტაძრის მოძღვარი, მიხეილ სურმავა უძღვებოდა.