გორში, მიუსაფარი ძაღლებისთვის სახლები დაიდგა და ცხოველები ზამთრის სუსხიან დღეებს თბილ ბუნაგში გაატარებენ,- ამის შესახებ ინფორმაციას გორის მუნიციპალიტეტის მერია ავრცელებს.

მათივე ცნობით, ბუნაგები ამ ეტაპზე ქალაქის 17 ლოკაციაზე განთავსდა.

„მიუსაფარი ცხოველების პრობლემის მოგვარებაზე გორის მერიაში და ქართლის ინტერმუნიციპალურ სააგენტოსთან ერთად, აქტიურად თანამშრომლობს არასამთავრობო ორგანიზაციებთან გრძელვადიან სტრატეგიაზე, რათა ჰუმანური გზებით მოხდეს მიუსაფარი ცხოველების პოპულაციის შემცირება”,- აღნიშნულია ინფორმაციაში.