მიხეილ სააკაშვილის ადვოკატი - ნინო ნადირაძეს პატივს ვცემთ, ჩვენი მხრიდან ნინო ნადირაძის და ზოგადად კლინიკა „ვივამედის“ ექიმების მიმართ რაიმე უარყოფითი განცხადება  არასდროს გაკეთებულა

ნინო ნადირაძის განცხადებაზე მიხეილ სააკაშვილმა თქვა, რომ ყოველგვარი რეაგირების გარეშე... {უნდა დავტოვოთ}. ჩვენ ნინო ნადირაძეს პატივს ვცემთ, არასდროს ჩვენი მხრიდან ნინო ნადირაძის და ზოგადად კლინიკა „ვივამედის“ ექიმების მიმართ რაიმე უარყოფითი განცხადება არ გაკეთებულა, - ამის შესახებ საქართველოს მესამე პრეზიდენტის ადვოკატმა, შალვა ხაჭაპურიძემ კლინიკა „ვივამედში” მიხეილ სააკაშვილი მონახულების შემდეგ განაცხადა.

ადვოკატის თქმით, ამ ეტაპზე მათ ნინო ნადირაძის განცხადებაზე სამართლებრივი რეაგირება არ ექნებათ.

„მიხელ სააკაშვილი საჭმელს ვერ იღებს იმ დაავადებების გამო, რომელიც მას საექსპერტო დასკვნებით დაუდგინდა, რომელიც დადასტურებულია ლაბორატორიული და ინსტრუმენტული კვლევებით.

ნინო ნადირაძის განცხადებაზე მიხეილ სააკაშვილმა თქვა, რომ ყოველგვარი რეაგირების გარეშე... ჩვენ ქალბატონ ნინოს პატივს ვცემთ, არასდროს ჩვენი მხრიდან ნინო ნადირაძის მიმართ რაიმე უარყოფითი განცხადება, ზოგადად კლინიკა „ვივამედის“ ექიმების მიმართ არ გაკეთებულა. ამ ეტაპზე არანაირი სამართლებრივი რეაგირება არ გვექნება. ნინო ნადირაძე სასამართლო პროცესზე დაბარებულია, თუ ჩვენებაში იტყვის და გააჟღერებს, ეს მისი პოზიციაა და მოვისმენთ”,- განაცხადა შალვა ხაჭაპურიძემ.

მისივე თქმით, დღეს თბილისის საქალაქო სასამართლოში მიხეილ სააკაშვილის სასჯელის გადავადების, ან სასჯელისგან გათავისუფლებასთან დაკავშირებულ პროცესზე, კლინიკა ,,ვივამედის” ექთანი კოვიდის დადასტურების გამო ვერ გამოიკითხება.

,,დღეს ემპათიის ერთ-ერთ ექსპერტს დავკითხავთ. ასევე, სასამართლოს კლინიკა ,,ვივამედის” ექთანი მოწვეული ჰყავდა, რომელსაც დღეს კოვიდი დაუდასტურდა, ამის გამო მისი დაკითხვა შემდეგ კვირაში მოგვიწევს. ასევე, დღევანდელ ჩანიშნულ სასამართლო პროცესზე დათვალიერდება თმის ნიმუშები, რომელიც ლაბორატიული კვლევის შედეგად დარჩა და ამერიკული ლაბორატორიიდან მოსამართლის სახელზე გამოიგზავნა”,- განაცხადა ადვოკატმა.

ასევე, მან ჟურნალისტებთან აღნიშნა, რომ დღეს კლინიკა ,,ვივამედში” ჯანმრთელობის ცნობის გამოთხოვის შესახებ განცხადება შეავსო.

„მოვითხოვე ფორმა 100 და განცხადება დავწერე. 28 ნოემბერს ექსპერტიზა დასრულდა და 28 ნოემბრიდან დღეის ჩათვლით ფორმა 100 გვინდა”,-აცხადებს ხაჭაპურიძე.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია