დავით ნარმანია აზიის განვითარების ბანკის წარმომადგენლებს შეხვდა
საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე, დავით ნარმანია აზიის განვითარების ბანკის (ADB) წარმომადგენლებს შეხვდა.
საქართველოს ენერგეტიკისა და წყალმომარაგების მარეგულირებელი ეროვნული კომისიის ინფორმაციით, შეხვედრაზე განიხილეს მწვანე წყალბადის განვითარებისათვის სტრატეგიის შემუშავების, ენერგოდამგროვებელი მოწყობილობების რეგულირების საკითხები, იმსჯელეს ენერგეტიკის სექტორში არსებულ გამოწვევებსა და გადაჭრის გზებზე.
როგორც ნარმანიამ აღნიშნა, საინტერესო და პროდუქტიული იყო შეხვედრა აზიის განვითარების ბანკის წარმომადგენლებთან, სადაც განიხილეს ენერგეტიკის სექტორის განვითარების პოტენციალი და არსებული მდგომარეობა.
„დაინტერესება საქართველოს ენერგეტიკის სექტორის მიმართ საკმაოდ მოცულობითია. სემეკი აქტიურად თანამშრომლობს სხვადასხვა საერთაშორისო, დონორ ორგანიზაციებთან. ჩვენთვის მნიშვნელოვანია მათი ჩართულობა საქართველოს ენერგეტიკის სექტორის განვითარებაში“, - აღნიშნა დავით ნარმანიამ.
სემეკში აზიის განვითარების ბანკთან გამართულ შეხვედრას დავით ნარმანიასთან ერთად კომისიის აპარატის წარმომადგენლები ესწრებოდნენ.
