„ენერგო-პრო ჯორჯიას“ ქსელში არსებული აბონენტების ნაწილს გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება.

„ენერგო-პრო ჯორჯიას“ მიერ გავრცელებული ინფორმაციით, გამანაწილებელ ქსელში დაგეგმილი სარეაბილიტაციო სამუშაოების გამო, 15 თებერვალს, 11:00 საათიდან 18:00 საათამდე, ენერგომომარაგება დროებით შეეზღუდებათ აბონენტებს დუშეთის მუნიციპალიტეტის სოფლებში: ჭოპორტი, ახატანი, დავათი, მაღრანი, ნოკორნა, ქვემო ღარისწყალა, ნოჯა, ლაშარის ჯვარი და მიმდებარე სოფლებში.

11:30 საათიდან 14:00 საათამდე, დენი გაეთიშებათ აბონენტებს თიანეთის მუნიციპალიტეტის სოფლებში მაგრანეთი, ზემო და ქვემო ნაქალაქარი, ორხევი, ყუდრო, დორეულები, ვეძათხევა, ზურაბები, საჯინიბო, სიონი.

12:00 საათიდან 14:00 საათამდე, ელექტროენერგიის მიწოდება შეუწყდებათ მომხმარებლებს სოფლებში მსხალდიდი, ლისი, ზემო და ქვემო ლისი, წოდორეთი, მუხათწყარო, ხოლო 14:00-საათიდან 16:00 საათამდე - სოფლებში მუხათწყარო, ლისი, აგარაკი.

კომპანიის ინფორმაციით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.