ირაკლი ჩიქოვანი - როდესაც არის კრიზისი მხოლოდ მაშინ გვახსენდება, თურმე რამდენი რამ აწევს იმ ადამიანებს, რომლებიც სამშობლოს ემსახურებიან

„ქართული ოცნების“ წევრის, ირაკლი ჩიქოვანის განცხადებით, პოლიციის მუშაობა რიგ შემთხვევაში დაუფასებელია, „უფრო უარეს შეურაცხყოფას აყენებენ გარეთ ქუჩაში, მაშინ როდესაც ისინი იცავენ წესრიგს“.

ამის შესახებ ირაკლი ჩიქოვანმა პარლამენტის პლენარულ სხდომაზე განაცხადა, სადაც შინაგან საქმეთა მინისტრ ვახტანგ გომელაურს "მინისტრის საათის" ფორმატში მოუსმინეს.

„ჩვენ ვსაუბრობთ ათი ათასობით ადამიანზე და იმ სისტემაზე, რომლის შრომაც ყოველდღიურ რეჟიმში არ ჩანს. ჩანს მხოლოდ მაშინ, როდესაც არის კრიზისი და მხოლოდ მაშინ გვახსენდება, თურმე რამდენს აკეთებს ეს სისტემა, რამდენი რამ აწევს იმ ადამიანებს, რომლებიც შინაგან საქმეთა სამინისტროში სამშობლოს ემსახურებიან. რიგ შემთხვევებში, ეს არის დაუფასებელი შრომა. სამწუხაროდ, თქვენს სისტემას, თქვენს თანამშრომლებს უწევთ ამ ვითარებაში მუშაობა, ვინაიდან ვერ გავექეცით შეურაცხყოფას აქაც, ამ დარბაზშიც და ამ ტრიბუნიდანაც კი. უფრო უარეს შეურაცხყოფას აყენებენ გარეთ ქუჩაში, მაშინ როდესაც ისინი იცავენ წესრიგს. ამისთვის ბოდიში და დიდი მადლობა ყველა იმ ოფიცერს, იმ ადამიანს, ყველა პოლიციელს, ყველა შინაგან საქმეთა სამინისტროს თანამშრომელს, რომელიც მიუხედავად ამ დიდი სიმძიმისა, კეთილსინდისიერად ასრულებს თავის საქმიანობას", - განაცხადა ჩიქოვანმა.

მისი თქმით, შინაგან საქმეთა სამინისტროში არ არსებობს რაიმე სახის პოლიტიკური ვერტიკალი, რომელიც უზრუნველყოფს იმას, რომ ოფიცრები, ადამიანები, რომლებიც ატარებენ მუნდირის ღირსებას - არიან დაქვემდებარებული გარკვეულ პოლიტიკურ ვერტიკალს და არაოფიციალურ პოლიტიკურ დავალებებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს