რუსეთში მრავალრიცხოვანი ხანძრები “ასე უბრალოდ” არ ხდება. ამის შესახებ უკრაინის დაზვერვის მთავარი სამმართველოს ხელმძღვანელმა კირილ ბუდანოვმა Forbes-თან ინტერვიუში განაცხადა.

რუსეთის ფედერაციის ტერიტორიაზე ხანძრებთან დაკავშირებით, რომელთა რიცხვიც წინა წლის ბოლო ორ თვეში ორჯერ გაიზარდა, ბუდანოვმა აღნიშნა, რომ “აქედან ბევრი რამ შემთხვევითობა არ არის”.

“ყოველთვის რაღაც იწვის. სასიგნალიზაციო აპარატურა რკინიგზაზე, ყოველ დღე რამდენჯერმე იწვის, სხვადასხვა მაგისტრალებზე მუდამ ორი-სამი საათით, ხანდახან ხუთი-ექვსი საათით, მთლიან მონაკვეთზე მოძრაობა ჩერდება. გასაგებია, რომ ასე უბრალოდ არ იწვის”, - თქვა ბუდანოვმა.

კითხვაზე აქვთ თუ არა რუსეთში მყოფ უკრაინელებს ამასთან რამე კავშირი, ბუდანოვმა უპასუხა: “რატომ მხოლოდ უკრაინელები? ასე ვიტყოდი: ფული საოცრებებს შვება”.