საქართველოს საგარეო საქმეთა სამინისტროს ცნობით, ნიუ-იორკში, გაეროს გენერალური ასამბლეის ფარგლებში, საქართველოს საგარეო საქმეთა მინისტრი, ილია დარჩიაშვილი უნგრელ კოლეგას, პიტერ სიიარტოს შეხვდა.

უწყების ცნობით, შეხვედრაზე საუბარი რეგიონში მიმდინარე პროცესებსა და საქართველოს ევროპული ინტეგრაციის დღის წესრიგს შეეხო.

„მინისტრებმა ქვეყნებს შორის არსებულ თანამშრომლობაზე, ასევე, სხვადასხვა სექტორის გასააქტიურებლად, დარგობრივ უწყებებსა და საგარეო საქმეთა სამინისტროებს შორის მაღალი დონის სამუშაო შეხვედრების დაგეგმვაზე ისაუბრეს“, - აღნიშნულია ინფორმაციაში.