რაც ოპოზიციაში გადავიდა, გიორგი გახარიას განცხადებები არ მაინტერესებს. დღეს ხელისუფლებისთვის, ქვეყნისთვის და ხალხისთვის სხვა უფრო მნიშვნელოვანი საკითხებია პრიორიტეტული, - ამის შესახებ თბილისის მერმა კახა კალაძემ განაცხადა.

„დღევანდელ მოცემულობაში გიორგი გახარიას განცხადება საერთოდ მნიშვნელოვანი არ არის. რაც ოპოზიციაში გადავიდა, გიორგი გახარიას განცხადებები არ მაინტერესებს, იმიტომ, რომ დღეს ხელისუფლებისთვის, ჩვენი ქვეყნისთვის და ხალხისთვის სხვა უფრო მნიშვნელოვანი საკითხები არის პრიორიტეტული. ვამბობ იმას, რომ ჩვენი ქვეყნის მოსახლეობას სხვა უფრო მნიშვნელოვანი პრიორიტეტები აქვს. ჩვენ ყველაფერს გავაკეთებთ იმ პრიორიტეტების გათვალისწინებით, რომელიც არის და ხალხის მხრიდან მოდის“, - აღნიშნა კალაძემ.