გიული ალასანია - დღეს ჩემი შვილი ცხოვრობს უკრაინით

საქართველოს მესამე პრეზიდენტის დედის, გიული ალასანიას განცხადებით, ძალიან მალე დადგება ის დღე, როცა ყველა უკრაინის გამარჯვებას იზეიმებს.

მისივე თქმით, „მიხეილ სააკაშვილი დღეს უკრაინით ცხოვრობს.“

„დღეს ყველა უკრაინას თანაუგრძნობს, ვუყურებთ და თვალს ვადევნებთ, ერთი წელი შესრულდა რაც ეს ხალხი გმირულად დგას. რა თქმა უნდა, ძალიან მალე მოვა ის დღე, როცა ყველა უკრაინის გამარჯვებას იზეიმებს, ეს ფაქტია. დღეს ჩემი შვილი ცხოვრობს უკრაინით“, - განაცხადა ალასანიამ.

მისივე თქმით, მიხეილ სააკაშვილს კვალავ მაღალი ტემპერატურა აღენიშნება.

„რაც შეეხება მის ჯანმრთელობას, ძალიან ცუდ მდგომარეობაშია, უკვე ხუთი თვეა ადამიანს მუდმივად სიცხე აქვს. მაგალითად, გუშინ საღამოს 38,3 ტემპერატურა ჰქონდა და დღეს ოდნავ დაეწია, გამუდმებით სიცხე აქვს. ჯერ როგორ უნდა ჭამოს, როცა ადამიანი მოწამლულია. ე.ი. ყველაფერს ამბობენ გარდა იმისა, რომ ადამიანი მოწამლულია. აი, ეს არის მიზეზი რატომაც ვერ ჭამს. თქვენ "დაგუგლეთ" და ნახეთ, სიცხე რისი მიზეზი შეიძლება იყოს, თუ არ ნახავთ იქ მოწამვლას“, - განაცხადა ალასანიამ.

ალსანიას განმარტებით, მიხეილ სააკაშვილის ოჯახმა „აკერმანის იურიდიულ ჯგუფი” მეტი დამაჯერებლობისთვის დაიქირავა.

„ლობისტური კომპანია კი არა იმას ჩემთვის იურიდიული კომპანია ჰქვია, უკვე მასთან ვთანამშრომლობთ. არ ვიცით ვაპირებთ თუ არა თანამშრომლობის გაგრძელებას, მე და ჩემს ძმას იმ ხალხთან კონტრაქტი გვაქვს. მე მათი კმაყოფილი ვარ, ისინი ძალიან მაღალი დონის პროფესიონალები არიან. უკმაყოფილო ვარ იმით, რაც აქ ხდება და ყველა კოლექტიურად რომ იღებთ ჩემი შვილის მკვლელობაში მონაწილეობას. ძალიან მიკვირს, რომ კლავთ იმ ადამიანს, რომელმაც სახელმწიფო აგიშენათ. მეტი დამაჯერებლობისთვის დავიქირავეთ, საჭიროა იმიტომ, რომ აქ არავის აღარ აქვს ნდობა, ხომ ხედავთ. ეს გვჭირდებოდა მეტი დამაჯერებლობისთვის“, - დასძინა ყოფილი პრეზიდენტის დედამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს