ცენტრალური ბანკის საიმედოობისთვის ყველაზე მნიშვნელოვანია მისი დამოუკიდებლობა, ვეთანხმებით საერთაშორისო სავალუტო ფონდსა და მის პრეზიდენტს, რომ ეს ცვლილებები არ არის აუცილებელი ბანკის ფუნქციონირებისთვის, - ამის შესახებ საქართველოში აშშ-ის ელჩმა, კელი დეგნანმა განაცხადა, რომელმაც უპასუხა შეკითხვას ეროვნული ბანკის შესახებ კანონში ცვლილებებთან დაკავშირებით.

„მაშინ როდესაც ეროვნულ ბანკში არის ისეთი გუნდი, რომელიც ასე კარგად ასრულებს მოვალეობას, რაც ეკონომიკის სტატისტიკაში ჩანს, რატომ არის საჭირო ამ გუნდის შეცვლას, რატომ არის საჭირო სტრუქტურის შეცვლა, რამაც საქართველოს ეკონომიკის სტაბილურობა შეინარჩუნა მიუხედავად პანდემიისა, მიუხედავად რუსული ფულის შემოდინება უკრაინაში აგრესიის დაწყების შემდეგ. ეს არის დრო, როდესაც საჭიროა ეროვნული ბანკის დამოუკიდებლობა. ვწუხვარ, რომ აღნიშნული კანონი, ნაჩქარევად იქნა შემუშავებული, რაც ეწინააღმდეგება საუკეთესო საერთაშორისო პრაქტიკას. ვშიშობ, რისკის ქვეშ აყენებენ საქართველოს სტაბილურობის უზრუნველყოფის კუთხით ერთ-ერთ ყველაზე მნიშვნელოვან დამოუკიდებელ ინსტიტუტს“, - აღნიშნა ელჩმა.