სერგო ჩიხლაძე - ყველას ასე გაგვიყვანენ, ამ შენობაში არის რუსული რეჟიმი! - „ხალხის ძალის“ აქტივისტები, ჯონდი ბაღათურიები შეუშვეს, სხვებს არ გვიშვებენ
„დროას“ წევრ გიგა ლემონჯავას პარლამენტი დაატოვებინეს. ლემონჯავა შენობიდან სავარაუდოდ უსაფრთხოების სამსახურის წარმომადგენლებმა ძალის გამოყენებით გაიყვანეს.
როგორც „სტრატეგია აღმაშენებლის" წევრმა სერგო ჩიხლაძემ განაცხადა, ლემონჯავა, სავარაუდოდ, განარიდეს.
„სავარაუდოდ, განრიდებულია, არ ვიცი, ახლა გავიგებ, ამ წუთებში მოხდა. ბევრი ხალხი იყო, ძიძგილაობა, მეც მეძიძგილავნენ, ერთად ვიყავით, უბრალოდ, არეული სიტუაცია იყო. ყველას ასე გაგვიყვანენ, ამ შენობაში არის რუსული რეჟიმი! „ხალხის ძალის“ აქტივისტები, ჯონდი ბაღათურიები შეუშვეს, სხვებს არ გვიშვებენ, იმათ, ვისაც ოფიციალურად გვეკუთვნის ვიყოთ ამ სხდომაზე”, - განაცხადა სტრატეგია აღმაშენებლის წევრმა სერგო ჩიხლაძემ.
