იურიდიულ საკითხთა კომიტეტზე, სადაც დღეს ე.წ. აგენტების კანონს განიხილავენ, ხმაურია

იურიდიულ საკითხთა კომიტეტზე, სადაც დღეს ე.წ. აგენტების კანონს განიხილავენ, ხმაურია. ოპოზიციის წარმომადგენლები რეპლიკებითა და შეძახილებით გამოხატავენ პროტესტს და აცხადებენ, რომ აღნიშნული კანონი რუსულია.

კომიტეტზე ერთმანეთს იურიდიულ საკითხთა კომიტეტის თავმჯდომარე, ანრი ოხანაშვილი და „სტრატეგია აღმაშენებლის“ ლიდერი, გიორგი ვაშაძე დაუპირისპირდნენ. ოხანაშვილმა ვაშაძეს „უსამშობლო კაცი“ უწოდა.

„დღის წესრიგს ჩახედეთ, წაკითხვა ხომ შეგიძლიათ. უსამშობლო ხარ შენ, ვის ინტერესებს ატარებ? უსამშობლო კაცი ხარ. ეგ გინდოდა? უსამშობლო კაცი ხარ თქო, გეუბნები. ბიჭოთი ელაპარაკე, თუ ვინმესთან გილაპარაკია. სახელმწიფოს განცდა არ გაქვს შენ. უზრდელი კაცი ხარ, ხმას დაუწიე და მომხსენებელს მიეცი საშუალება, კომიტეტს საკითხი წარუდგინოს. უსამშობლო კაცი ხარ და გაჩუმდი!“,-მიმართა ოხანაშვილმა ვაშაძეს.

აღნიშნულის შემდეგ, მომხსენებელმა გურამ მაჭარაშვილმა საუბარი განაგრძო და ანრი ოხანაშვილის განცხადებას დაეთანხმა:

„საკუთარ სამშობლოს რომ აბრალებ დანაშაულს, უსამშობლო ხარ, დიახ“,-მიმართა მან ვაშაძეს.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს