უკრაინელმა სამხედროებმა, გასული დღე-ღამის განმავლობაში, რუსების კუთვნილი 13 უპილოტო საფრენი აპარატი გაანადგურეს.

უკრაინის საჰაერო ძალების სარდლობის წარმომადგენელმა, იური იგნატმა უკრაინულ მედიასთან საუბარში განაცხადა, რომ რუსულმა ძალებმა, 6 მარტის ღამეს, უკრაინაში, საერთო ჯამში, 15 დრონი გაუშვეს.

"დრონები ჩრდილოეთის მიმართულებიდან გაუშვეს. რუსებმა 15 უპილოტო საფრენი აპარატი გაუშვეს, მათგან 13 საჰაერო თავდაცვამ გაანადგურა. ასეთი კარგი შედეგი გვაქვს", - განაცხადა იური იგნატმა.

მისი განმარტებით, საუბარია ირანული წარმოების Shahed-131/136 ტიპის დრონებზე.