BBC-ი "უცხოელი აგენტების" კანონთან დაკავშირებით, საპარლამენტო კომიტეტის დროს, ქართველ კანონმდებლებს შორის მომხდარ ჩხუბზე წერს
BBC-ი "უცხოელი აგენტების" კანონთან დაკავშირებით, საპარლამენტო კომიტეტის მოსმენის დროს, ქართველ კანონმდებლებს შორის მომხდარ ჩხუბზე წერს.
როგორც ბრიტანული მედიასაშუალება აღნიშნავს, შემოთავაზებული კანონპროექტი ცდილობს ზოგიერთი ორგანიზაცია აიძულოს, თავი "უცხოელი აგენტების" სიაში შეიყვანოს. BBC-ის ცნობითვე, ეს შეეხება ორგანიზაციებს, რომლებიც საკუთარი ფულადი სახსრების მეხუთედზე მეტს უცხოეთიდან იღებენ.
ამასთან, ბრიტანული მაუწყებელი წერს, რომ კანონპროექტს კრიტიკოსები პარლამენტის წინ აპროტესტებდნენ და აცხადებდნენ, რომ აღნიშნული კანონპროექტი რუსეთის კანონმდებლობას ეფუძნება, რომელიც სიტყვის თავისუფლების შეზღუდვისა და განსხვავებული აზრის ჩასახშობადაა შექმნილი.
