ჩვენ ვიბრძოლებთ ბოლომდე, მათ შორის, ფიზიკურადაც,- ამის შესახებ "სტრატეგია აღმაშენებლის" დეპუტატმა პაატა მანჯგალაძემ ოპოზიციის ერთობლივ ბრიფინგზე განაცხადა.

მან მოქალაქეებს მოუწოდა მოვიდნენ პარლამენტში.

"მათ ეშინიათ. ქურდულად, ხალხის ზურგს უკან აპირებენ მიიღონ კანონი, ამიტომ მნიშვნელოვანია რაც შეიძლება ბევრი ადამიანი მოვიდეს პარლამენტთან. კარგად იციან, რომ ღალატს ჩადიან, ამიტომ უნდათ ხალხის გარეშე ქურდულად მიიღონ ეს კანონი. ამიტომ ყველანი პარლამენტთან, ვერ უნდა გაბედოს "ქართულმა ოცნებამ" თქვენს ზურგს უკან გადაწყვეტილების მიღება, ჩვენ ვიბრძოლებთ ბოლომდე, მათ შორის, ფიზიკურადაც,"- განაცხადა მანჯგალაძემ.