რომან გოცირიძე - გავრცელდა ინფორმაცია, რომ „დინამოს“ და სხა კლუბებს, რომლებმაც დაგმეს ე.წ. აგენტების შესახებ კანონი, სოლიდარობა გამოუცხადეს „ბარსელონამ“, მადრიდის „რეალმა“ და „ოსასუნამ“
ბატონო გურამ, რატომ არ მპასუხობთ კითხვაზე, მე დაგისვით შეკითხვა, ევროპაში არის 50 სახელმწიფო, ამ 50 სახელმწიფოში სად მოქმედებს მსგავსი კანონი? - ასე მიმართა ოპოზიციონერმა პოლიტიკოსმა, რომან გოცირიძემ ე.წ. აგენტების შესახებ კანონპროექტთან დაკავშირებით "ხალხის ძალის" წევრს, გურამ მაჭარაშვილს.
„თქვენ მიპასუხეთ, რომ ევროკავშირი მიღებას აპირებს. ევროკავშირი თუ ამ კანონის მიღებას აპირებს, ევროკავშირი რატომ მოგმართავთ, არ მიიღოთ ეს მოღალატეობრივი კანონიო? ცოტა კვალიფიციურად იცრუეთ მაინც.
მეორე, ძალიან მნიშვნელოვანი ამბავი, როგორც იტყვიან „გაჭირვებულს ქვა აღმართში მიეწიაო“ და „მოგეწიათ ეს ქვა აღმართში“. ორიოდე წუთის წინ გავრცელდა ინფორმაცია, რომ ჩვენი სპორტული კლუბების „დინამოს“ და სხვების განცხადებების გამო, რომლებმაც ეს კანონი დაგმეს, ამ კლუბებს სოლიდარობა გამოუცხადეს ესპანეთის საფეხბურთო კლუბებმა „ბარსელონამ“, მადრიდის „რეალმა“ და „ოსასუნამ“. აი, ეს გინდოდათ თქვენ“, - მიმართა გოცირიძემ მაჭარაშვილს.
