პარლამენტის სხდომათა დარბაზში ხმაური იყო. „ნაციონალური მოძრაობის“ ერთ-ერთი წევრის, ანა წითლიძის განცხადებით, ფრაქცია „ქართული ოცნების“ თავმჯდომარე, მამუკა მდინარაძე მას და „სტრატეგია აღმაშენებლის“ ლიდერს, გიორგი ვაშაძეს თავს დაესხა.

„თქვენი ლიდერი, მამუკა მდინარაძე მოსაწევ ოთახში, ჩუმად თავს დაესხა გიორგი ვაშაძეს. ფიზიკურად გაუსწორდნენ. ნაძირალა. სხდომის თავმჯდომარე ხომ ხარ, დეპუტატებს რომ გაგვისწორდნენ და ფიზიკურად დაგვიპირისპირდნენ, რას ზიხარ მანდ? მშიშარა, ლაჩარი, ნაძირალა“,-მიმართა წითლიძემ პარლამენტის თავმჯდომარეს.