თქვენ უმტყუნეთ თქვენს ამომრჩეველს დღეს, თქვენ უმტყუნეთ საზოგადოებას, რომელსაც სწამს, რომ ეს ქვეყანა იქნება ევროპული, - ამის შესახებ ოპოზიციონერმა დეპუტატმა, თამარ კორძაიამ განაცხადა.
მისი თქმით, „იმ ქვეყნებს ვერჩით ახლა ზუსტად ამ კანონით, ვისი ძალისხმევითაც სახელმწიფო გვაქვს“.
„თქვენ დღეს ტყვიების გარეშე, გვაკარგვინებთ თავისუფლებას, მაგრამ, ნამდვილად, ეს არცერთს არ შეგრჩებათ, იმიტომ, რომ თქვენი არ არის ეს სახელმწიფო და თქვენ ვერ გაიტანთ იმას, რაც გინდათ, ვერასოდეს“, - აღნიშნა კორძაიამ.
ოპოზიციონერი დეპუტატის თქმით, უმრავლესობის წევრები არავის უსმენენ.
„თქვენ არ გინდათ მოუსმინოთ ოპოზიციას, თქვენ არ გინდათ მოუსმინოთ იმ ადამიანებს, ვინც გარეთ არიან, თქვენ არ გინდათ მოუსმინოთ პარტნიორებს, ვისზეც დგას ჩვენი სახელმწიფო და მისი კეთილდღეობა. თქვენ არ გინდათ მოუსმინოთ საკუთარ ამომრჩეველს, რომელსაც უნდა ამ ქვეყნის ხვალინდელი მომავალი, თქვენ არ გინდათ მოუსმინოთ საკუთარ კოლეგებს, რომლებიც გეუბნებიან უნივერსიტეტებიდან, რომ არ მიიღოთ ეს კანონი. თქვენ არ გინდათ მოუსმინოთ სტუდენტებს, თქვენ არ გინდათ მოუსმინოთ მშრომელებს, რომლებიც ავრცელებენ განცხადებას დღეს, რომ მათი უფლებები შეილახება. თქვენ არ გინდათ მოუსმინოთ სპორტსმენებს, ფერმერებს. თქვენ არავის უსმენთ“, - დასძინა კორძაიამ.
v-if="article.gallery" v-html="article.gallery"