ინგა გრიგოლია - გამოიყვანეთ, აბა, სპეცრაზმი! ვის ეშინია თქვენი? არ გვეშინია ხელკეტების, გაზის გაშვების, რეზინის ტყვიების - პუტინის გზაზე ვერ შეგვაყენებთ!

გამოიყვანეთ, აბა, სპეცრაზმი! ვის ეშინია თქვენი? - ასე მიმართა ტელეწამყვანმა ინგა გრიგოლიამ ხელისუფლებას, პარლამენტთან მიმდინარე აქციაზე სიტყვით გამოსვლისას.

როგორც გრიგოლიამ აღნიშნა, ჩალის ფასი აქვს ჟურნალისტის პროფესიას, თუ ის ყველაზე მთავარს, თავისუფლებას არ ემსახურება.

მისივე თქმით, "ხელისუფლება რუსულ კანონს იმიტომ იღებს, რომ ქვეყანაში თავისუფალი სიტყვა აღარ ისმოდეს და ამით მათი კომფორტი არ დაირღვეს".

„დღეს აქ ყველაზე მაგარი ხალხია გამოსული და ამ ხალხის გვერდით ვარ მეც, როგორც ერთი მოქალაქე და ერთი ადამიანი. გუშინ ჩემთვის ტელევიზიიდან იმის ყურება, თუ როგორ დაგიპირისპირათ ხელისუფლებამ სპეცრაზმი, წამება იყო. ეს იყო ტანჯვა. მე ჟურნალისტი ვარ, მაგრამ იმ წუთას ტელევიზიაში ყოფნა არ მინდოდა. აქ მინდოდა ყოფნა. მაწყნარებდა ის, რომ ჩემი შვილი და მისი მეგობრები აქციაზე იდგნენ.

ხელისუფლებას მინდა მივმართო - გამოიყვანეთ, აბა, სპეცრაზმი! ვის ეშინია თქვენი? აბა, ვის გვაშინებთ? ამ ახალგაზრდებს ვერ შეაშინებთ. აქ მათი მშობლებიც ვდგავართ და არ გვეშინია თქვენი ხელკეტების, გაზის გაშვების, რეზინის ტყვიების.

52 წლის ვარ და ჩემმა ცხოვრებამ და პროფესიამ მასწავლა, რომ ყველაზე ძვირფასი თავისუფლებაა. ჩვენს თავისუფლებას გაუმარჯოს! პუტინის გზაზე ვერ შეგვაყენებენ.

ახლა ვინც ტელევიზორებთან ზის და გვაქილიკებს, მინდა მათ ვუთხრა, რომ ატყუებენ, პუტინის კანონს იღებენ. იმიტომ აკანონებენ რუსულ კანონს, რომ თავისუფალი სიტყვა აღარ ისმოდეს და მათი კომფორტი არ დაირღვეს. ჩალის ფასი აქვს ჟურნალისტის პროფესიას, თუ ის ყველაზე მთავარს, თავისუფლებას არ ემსახურება“, - განაცხადა ინგა გრიგოლიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს