გერმანიის საელჩო - კანონპროექტის გაწვევის გადაწყვეტილება სწორი და მნიშვნელოვანი ნაბიჯია - მოვუწოდებთ ყველა მონაწილეს, ერთად გადადგან ნაბიჯები საქართველოს ევროპული მომავლისთვის
საქართველოში გერმანიის საელჩო „უცხოური გავლენის გამჭვირვალობის შესახებ“ კანონპროექტის გაწვევის გადაწყვეტილებას სწორ და მნიშვნელოვან ნაბიჯად აფასებს.
როგორც საელჩოს მიერ გავრცელებულ განცხადებაშია ნათქვამი, ისინი მოსახლეობასთან დიალოგის გამართვის ინიციატივასაც მიესალმებიან.
„უცხოური გავლენის გამჭვირვალობის შესახებ“ კანონპროექტის გაწვევის გადაწყვეტილება სწორი და მნიშვნელოვანი ნაბიჯია. განსაკუთრებით მივესალმებით მოსახლეობასთან დიალოგის გამართვის ინიციატივას. პროცესში შესაბამისი ჯგუფების ჩართვა და პროფესიული დიალოგი ყველა დემოკრატიული საკანონმდებლო პროცესის საფუძველს წარმოადგენს. მოვუწოდებთ ყველა მონაწილეს, ერთად გადადგან აუცილებელი ნაბიჯები საქართველოს ევროპული მომავლისთვის,“- ნათქვამია განცხადებაში.
