დარბევაც არის „ფეიკი“, ხოლო რაც შეეხება სამართალდამცავ ორგანოებს, კიდევ ერთხელ მინდა მადლობა გადავუხადო, - ამის შესახებ „ქართული ოცნების“ თავმჯდომარე ირაკლი კობახიძემ ე.წ. აგენტების შესახებ კანონის საწინააღმდეგო აქციაზე განვითარებული მოვლენების შესახებ საუბრისას განაცხადა.

ირაკლი კობახიძის განცხადებით, სამართალდამცავები სპეციალურ საშუალებებს თანაბარზომიერების პრინციპის შესაბამისად იყენებდნენ.

„წყლის ჭავლი და ყველა სპეცსაშუალება იქნა გამოყენებული თანაზომიერების პრინციპის შესაბამისად, კანონის შესაბამისად. თქვენ ნახეთ როგორი მოთმინებით ხვდებოდნენ სამართალდამცავები აგრესიის ნებისმიერ გამოვლინებას და ძალადობას. ეს ძალადობა იყო უმძიმესი, პირდაპირ „მოლოტოვის კოქტეილებს“ ესროდნენ სამართალდამცავებს, ესროდნენ ქვებს და ათეულობით სამართალდამცავს აქვს მიღებული საკმაოდ მძიმე დაზიანება, რაზეც პასუხისმგებელი არიან სწორედ ის პოლიტიკოსები, რადიკალები, რომლებიც ამას ხელმძღვანელობდნენ, დავალებებს იძლეოდნენ და, რა თქმა უნდა, ამის აღმსრულებლები, ეკისრებათ ამაზე პასუხისმგებლობა“, - განაცხადა ირაკლი კობახიძემ.

ჟურნალისტის კითხვაზე, ხომ არ მოხდა გადაწყვეტილების შეცვლა ბიძინა ივანიშვილის რეკომენდაციის საფუძველზე, ირაკლი კობახიძე პასუხობს: „კითხვაზე პასუხი არის, არა“.

„ჩვენ გვაქვს „ჩატი“, სადაც გაწევრიანებული არიან პოლიტსაბჭოს წევრები და იმ „ჩატის“ მეშვეობით ხდებოდა ინფორმაციის გაცვლა. ბიძინა ივანიშვილი, რა თქმა უნდა, არ არის, პოლიტსაბჭოს წევრები არიან „ჩატში“, - განაცხადა ირაკლი კობახიძემ.