„ნაციონალური მოძრაობის“ რეგიონული შტაბების ხელმძღვანელის, გიორგი ჩალაძის განცხადებით, "უკვე ერთი კვირაა ყოვნდება" პოლონელი ექიმების ვიზიტი საქართველოში.

ჩალაძის თქმით, ძალიან მნიშნველოვანია, რომ დროულად მოხდეს ბიუროკრატიული პრობლემების მოგვარება, რათა საქართველოს მესამე პრეზიდენტი, მიხეილ სააკაშვილი მოინახულონ.

„ისინი ჩამოდიან არა თავის ინიციატივით, არამედ ევროკავშირის 27 ქვეყნის ეგიდით - გაერთიანებული მისიით. ძალიან მნიშვნელოვანია მაშინ, როცა საფრანგეთის პრეზიდენტი, ემანუელ მაკრონი ასეთ განცხადებებს აკეთებს, როცა მთელი მსოფლიო ფეხზე დგას პრეზიდენტ სააკაშვილის გაუარესებული ჯანმრთელობის მდგომარეობის გამო, დროულად მოხდეს პოლონელი ექიმებისთვის ყველა ბიუროკრატიული პრობლემის მოგვარება და საშუალების მიცემა, რომ პრეზიდენტი სააკაშვილი მოინახულონ. ეს იქნება 12 პუნქტიანი რეკომენდაციის შესრულებისთვის ერთი წინგადადგმული ნაბიჯი“, - განაცხადა ჩალაძემ.