ჩვენ ყველას მოვუწოდებთ, რომ თავი შეიკავონ ასეთი პროვოკაციებისგან. ეს იყო ძალიან მძიმე პროვოკაცია, - ასე უპასუხა „ქართული ოცნების“ თავმჯდომარემ, ირაკლი კობახიძემ ჟურნალისტის შეკითხვას, არის თუ არა პროვოკაცია ის ფაქტი, რომ უკრაინულ ერთ-ერთ საიტზე ვრცელდება ვიდეომიმართვა, სადაც საქართველოში მცხოვრები რუსეთის მოქალაქეები მიმართავენ რუსეთის თავდაცვის სამინისტროს, რომ თუ საქართველოში „ქართული მაიდანი“ იქნება, სამხედრო ძალების შემოყვანას მოითხოვენ.

კობახიძის თქმით, „სამწუხაროდ, უკრაინული მხრიდან პროვოკაციები არ წყდება“.

„ჩვენთვის ეს ძალიან სამწუხარო მოვლენაა. ჩვენ სრულად თანავუგრძნობთ უკრაინას, უკრაინელ ხალხს, ეს ქვეყანა და ჩვენი მეგობარი ხალხი ომის მდგომარეობაშია. როდესაც ასეთ დროს, ასეთ პროვოკაციებს ვაწყდებით, რა თქმა უნდა, ჩვენთვის ეს განსაკუთრებულად მძიმეა. რა თქმა უნდა, ჩვენ ყველას მოვუწოდებთ, რომ თავი შეიკავონ ასეთი პროვოკაციებისგან. ეს იყო ძალიან მძიმე პროვოკაცია“, - აცხადებს ირაკლი კობახიძე.