პაატა მანჯგალაძე - კობახიძის დღევანდელმა ბრიფინგმა აჩვენა, რომ აქციებისა და პროტესტისგან სათანადო დასკვნები კი არ გააკეთა, არამედ კიდევ უფრო დამძიმებულა

კობახიძის დღევანდელმა ბრიფინგმა აჩვენა, რომ აქციებისა და პროტესტისგან სათანადო დასკვნები კი არ გააკეთა, არამედ კიდევ უფრო დამძიმებულა, - ასე აფასებს „სტრატეგია აღმაშენებლის“ ერთ-ერთი ლიდერი, პაატა მანჯგალაძე „ქართული ოცნების“ თავმჯდომარის, ირაკლი კობახიძის დღევანდელ განცხადებებს.

როგორც მან აღნიშნა, ხელისუფლება ახალგაზრდების დემონიზებას ახდენს, რაც იმის ნიშანია, რომ ისინი ძალიან მალე დასრულდებიან.

„ადამიანი, რომელიც თავისუფლების მოყვარე ახალგაზრდებს, სტუდენტებს ემუქრება და ექსტრემისტებად ასაღებს მათ, საზოგადოებრივად საშიშია, მისთვის ძალაუფლება კიდევ უფრო სახიფათო.

მან უკვე გაუქმებული რუსული კანონიდან დაიწყო ადამიანების დემონიზება. „ფრანკლინის კლუბი“ - სტუდენტები გამოაცხადა უცხოეთის გავლენის აგენტებად.

წარმოიდგინეთ, კანონის გარეშე რა დღეშია და კანონი რომ ჰქონდეს, როგორ მოიქცეოდა.

ადამიანი, რომელიც ებრძვის წიგნებს დემოკრატიაზე და თავისუფლებაზე, არის დემოკრატიის, თავისუფლების მტერი და საშიშია საზოგადოებისთვის.

„რა კავკასიური ცარცის წრეზე“ საუბრობს ან რა ბავშვების გამეტებაზე, ვინ გაიმეტა თავისუფლების მოყვარე ახალგაზრდები დარბევისთვის, მხუთავი აირისთვის, წყლის ჭავლისთვის, ცემისთვის? - რა თქმა უნდა, კობახიძემ და მისმა ხელისუფლებამ.

ვინ ახდენს დღეს იგივე ახალგაზრდების დემონიზებას? ვინ უვარდება მათ უნივერსიტეტებსა და სახლებში? - რა თქმა უნდა, კობახიძე და მისი ხელისუფლება, მაგრამ ეს არის არა სიძლიერის, არამედ მათი სისუსტის ნიშანი. იმის ნიშანი, რომ ისინი ძალიან მალე დასრულდებიან“, - განაცხადა მანჯგალაძემ.

ცნობისთვის, ირაკლი კობახიძის განცხადებით, ხელისუფლებისა და „ნაცმოძრაობის“ ურთიერთდაპირისპირებაში კიდევ ერთხელ გათამაშდა „კავკასიური ცარცის წრე“. როცა ხელისუფლებამ დაინახა, რომ „ნაცმოძრაობა“ „ბავშვს სასიკვდილოდ იმეტებდა“, ხელისუფლებამ მყისიერად გაუშვა მას ხელი.

ინფორმაციას „სტრატეგია აღმაშენებლის“ პრესსამსახური ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს