პარლამენტის თავმჯდომარის, შალვა პაპუაშვილის განცხადებით, ყოფილმა შინაგან საქმეთა მინისტრმა ვანო მერაბიშვილმა სასჯელი მოიხადა, თუმცა, მას პოლიტიკური სასჯელი მოხდილი არ აქვს.

პაპუაშვილი მერაბიშვილის პოლიტიკაში ყოფნას მიუღებლად მიიჩნევს.

„რაც შეეხება მერაბიშვილის და კეზერაშვილის ჩართვას - ვანო მერაბიშვილმა მოიხადა სასჯელი, მაგრამ მას პოლიტიკური სასჯელი არ მოუხდია, მისი პოლიტიკაში ყოფნა აბსოლუტურად მიუღებელია. ის, რომ „ნაციონალური მოძრაობის“ ლიდერად არის წარმოჩენილი, ეს რა თქმა უნდა, ჩვენი საზოგადოებისთვის მიუღებელია“, - განაცხადა პაპუაშვილმა.