გიგა ბოკერია მარგველაშვილის განცხადებაზე - არა მგონია საჭირო იყოს საბჭოს შექმნა, მაგრამ მთავარ გზავნილებზე შეჯერება აუცილებელია

არა მგონია, საჭირო იყოს რაღაც სტრუქტურა და საბჭოს შექმნა, მაგრამ მთავარ გზავნილებზე შეჯერება, მაგალითად, იმაზე, რომ დასავლეთისკენ სვლა, ჩვენი ისტორიული ამოცანის შესრულება და ეს მთავრობა შეუთავსებელია - აუცილებელი მგონია, - ასე ეხმაურება "ევროპული საქართველოს" თავმჯდომარე, გიგა ბოკერია სოციალურ ქსელში, საქართველოს მეოთხე პრეზიდენტის, გიორგი მარგველაშვილის შეთავაზებას ოპოზიციური პარტიების საბჭოს შექმნის შესახებ.

მისივე თქმით, ამოცანად საქართველოს ხელისუფლების დემოკრატიულად შეცვლა უნდა დავისახოთ და არა მისი “იძულება”, რომ რეფორმები გაატაროს.

„ევროპული საქართველოს“ მოწოდება და მოსაზრება ასეთია - ამ პროტესტმა გვაჩვენა, რომ როდესაც მკაფიო გზავნილები ჰქონდა არამხოლოდ ოპოზიციურ სპექტრს, არამედ საზოგადოებასა და საერთაშორისო პარტნიორებს, ეს წარმატების საფუძველი გახდა. დიდი გამარჯვებისთვის ამის შენარჩუნება გვჭირდება, თუმცა ვხედავთ, ეს ასე აღარ არის. არა მგონია, საჭირო იყოს რაღაც სტრუქტურა და საბჭოს შექმნა (როგორც ყოფილმა პრეზიდენტმა მარგველაშვილმა შემოგვთავაზა), მაგრამ მთავარ გზავნილებზე შეჯერება, მაგალითად, იმაზე, რომ დასავლეთისკენ სვლა, ჩვენი ისტორიული ამოცანის შესრულება და ეს მთავრობა შეუთავსებელია - აუცილებელი მგონია. არ არსებობს ამის გვერდის ავლის გზები, როგორც დღეს ამას საპარლამენტო ოპოზიცია, „ნაცმოძრაობა“ და ე.წ. სამეული ისევ გვთავაზობს. ამოცანად ამ ხელისუფლების დემოკრატიულად შეცვლა უნდა დავისახოთ და არა მისი „იძულება”, რომ რეფორმები გაატაროს. შეუძლებელია პუტინისტური სულისკვეთების რეჟიმი „აიძულო” იქცეს პროდასავლურად და ქვეყანა ნატო-ში შეიყვანოს ან ევროკავშირს რეალურად დაგვაახლოვოს, ქვეყანა რეალურად გარდაქმნას“, - წერს ბოკერია.

ცნობისთვის, საქართველოს მეოთხე პრეზიდენტმა გიორგი მარგველაშვილმა ტელეკომპანია "პალიტრანიუსის" გადაცემა „360 გრადუსში“ განაცხადა, რომ უნდა ჩამოყალიბდეს საკოორდინაციო საბჭო, რომელიც სხვადასხვა ოპოზიციურ პარტიას შესაძლებლობას მისცემს ერთიანი „მესიჯით" გამოვიდნენ, „როგორ უნდა მოხდეს ხელისუფლების მშვიდობიანი გადაბარება“.

ვაჟა ბერიძე - ახლა საქართველოს გამჭრიახი პოლიტიკური ლიდერი სჭირდება, რომელიც დასავლეთისა და რუსეთის წინააღმდეგობებს საჩვენოდ გამოიყენებს - შეძლებს ასეთი ლიდერის როლის შესრულებას ივანიშვილი? - ვნახოთ
ავთანდილ წულაძე - თუ კამალა ჰარისი გახდა პრეზიდენტი, იგი როგორც აშშ-ს გლობალური ლიდერობის მომხრე, ჩვენს რეგიონში უფრო მკაცრ პოლიტიკას გაატარებს
ქართული პრესის მიმოხილვა 12.09.2024
„ვისოლ ჯგუფმა“ „საბვეისთან“ ფრენჩაიზის ექსკლუზიური შეთანხმების პირველივე წლის ბოლოს მე-17 რესტორანი გახსნა
ქარელის მუნიციპალიტეტის სოფელ ძლევიჯვარში ქართულ ჭიდაობაში შოთა ხაბარელის და ნიკოლოზ შერაზადიშვილის სახელობის ტურნირი გაიმართა
გიორგი გახელაძემ მოტოთი ზღვაზე 33 -კმ გაიარა და მსოფლიო რეკორდი დაამყარა
Mastercard-მა, მაღალმთიან აჭარაში, მეწარმე ქალებს უმასპინძლა და მათ ელკომერციის შესაძლებლობები გააცნო
კახა ოქრიაშვილი - ბატონი ივანიშვილი 2012 წლიდან მთელ ერს გვატყუებს და რა გასაკვირია, პეტრიაშვილი და ტალახაძეც მოტყუებით ჩაება სიაში?!
.ge დომენი - 3 წელი 60 ლარად
საქართველოს უნივერსიტეტს ლაბორატორიული მედიცინის სარეზიდენტო პროგრამისთვის აკრედიტაცია მიენიჭა