ანა ნაცვლიშვილი - ხელისუფლება პანიკაშია, რადგან აღმოაჩინა, რომ ქვეყანაში ცხოვრობენ თავისუფალი და მებრძოლი ადამიანები და გადაწყვიტა ისინი შემოვლითი გზებით გააჩეროს
ხელისუფლება პანიკაშია, რადგან აღმოაჩინა, რომ ამ ქვეყანაში ცხოვრობენ დამოუკიდებელი, თავისუფალი, მებრძოლი ადამიანები - რაც მეტ რეპრესიას მოიტანენ, მით მეტ პასუხს მიიღებენ საზოგადოებისგან, - ამის შესახებ ჟურნალისტებთან „ლელოს“ დეპუტატმა ანა ნაცვლიშვილმა არასამთავრობო ორგანიზაციების წარმომადგენლებსა და ადვოკატებთან შეხვედრის დაწყებამდე, ჟურნალისტებთან განაცხადა.
ნაცვლიშვილის თქმით, დღეს იმ ადვოკატებს ხვდებიან, რომლებიც აქციებთან დაკავშირებით წარმოებულ საქმეებზე მოქალაქეებს იცავენ.
„ხელისუფლებამ გადაწყვიტა შემოვლითი გზებით გააჩეროს ეს ადამიანები. მინდა ვუთხრა, რომ ეს ადამიანები ძალიან ბევრნი არიან და რაც უფრო მეტ რეპრესიას აჩვენებს ხელისუფლება მათ მით მეტი დაუბრუნდება ხალხისგან. ამ ფონზე, ჩვენ ყურადღებით მივადევნებთ თვალს ყველა საქმეს და ტენდენციას, მათ შორის იმას, თუ როგორ იმოქმედებს სასამართლო ხელისუფლება ამ საქმეებთან მიმართებით. გამოვიყენებთ ყველა შესაძლებლობას, რომ სადამსჯელო ღონისძიებები იყოს რაც შეიძლება შემსუბუქებული მოქალაქეებისთვის,“ - განაცხადა ნაცვლიშვილმა.
