ბაკურ კვაშილავა - მოსკოვში სი ძინპინის ვიზიტი აჩვენებს ჩინეთის დაინტერესებას იმით, რომ რუსეთი ბოლომდე არ დამარცხდეს, რადგან ჩინეთი გრძნობს, რომ მარტო დარჩება აშშ-ის წინააღმდეგ

GIPA-ს პროფესორის, ბაკურ კვაშილავას განცხადებით, ჩინეთის პრეზიდენტის მოსკოვში ვიზიტი აჩვენებს, რომ უკრაინასა და რუსეთს შორის შეთანხმების მიღწევა რთული იქნება და რომ ამ მიმართულებით „მნიშვნელოვანი ძვრები მოსალოდნელი არაა“.

როგორც კვაშილავამ აღნიშნა, აღნიშნული ვიზიტი აჩვენებს ჩინეთის დაინტერესებას იმით, რომ რუსეთი ბოლომდე არ დამარცხდეს.

„უკრაინასა და რუსეთს შორის შეთანხმების მიღწევა რთული იქნება, გამომდინარე იქიდან, რომ სი ძინპინს თავის პრესკონფერენციაზე არ გაუკეთებია არანაირი აქცენტი უკრაინასთან რუსეთის მიმართების შესახებ. საუბარი იყო მხოლოდ რუსეთ- ჩინეთის თანამშრომლობაზე, თავად პუტინი კი აკეთებდა აქცენტს, რომ ჩინეთის გეგმა მსგავსია იმ ხედვისა, რომელიც მას აქვს. ეს ნიშნავს იმას, რომ მნიშვნელოვანი ძვრები მოსალოდნელი არაა. ვიზიტის მნიშვნელობა კი ისაა, რომ ეს აჩვენებს ჩინეთის დაინტერესებას იმით, რომ რუსეთი ბოლომდე არ დამარცხდეს, რადგან ჩინეთი გრძნობს, რომ მარტო დარჩება ამერიკის შეერთებული შტატების წინააღმდეგ. აქედან გამომდინარე იყო ისიც, რომ ასეთი სახელმწიფო დონის ვიზიტი შედგა მოსკოვში“,- განაცხადა კვაშილავამ.

ამასთან, კვაშილავას შეფასებით, ჩინეთის ოფიციალური იმიჯია, რომ ის მიმდინარე ომში მომრიგებელია, სინამდვილეში კი სურს, „რაღაც დონეზე მაინც შეინარჩუნოს დასავლეთისგან დამოუკიდებელი რუსეთის არსებობა“.

„ჩინეთის მთავარი გზავნილი მთელი მსოფლიოსთვის ალბათ იყო ის, რომ მაშინ, როდესაც დასავლეთი და რუსეთი უკომპრომისო ბრძოლაში არიან ჩართული, ჩინეთი რჩება მომრიგებლად ამ ორ ძალას შორის (რუსეთი და ჩინეთიც ხომ ამ ყველაფერს უყურებენ როგორც დასავლეთის და რუსეთის დაპირისპირებას და არა როგორც უკრაინის ბრძოლას თავისუფლებისთვის, როგორც ჩვენ ვხედავთ ამას). ამ ბრძოლაში ჩინეთი გამოდის როგორც მომრიგებელი, მშვიდობიანი მხარე, რომელსაც სურს, რომ მსოფლიოში იყოს მშვიდობა და სტაბილურობა, რისი მაგალითიც თვითონაა. სწორედ ამიტომ ცდილობს შუამავლობას. ესაა ოფიციალური იმიჯი, რომლის წარმოდგენაც სურს ჩინეთს. სინამდვილეში კი, ჩინეთს სურს, რაღაც დონეზე მაინც შეინარჩუნოს დასავლეთისგან დამოუკიდებელი რუსეთის არსებობა, რომელიც შეძლებს მას მიაწოდოს იაფი ენერგია და სამხედრო ტექნოლოგიები, რასაც ახლა აკეთებს“,- განაცხადა კვაშილავამ.

მისივე თქმით, ჩინეთი, ისევე როგორც მსოფლიო, დარწმუნებულია, რომ მიმდინარე კონფლიქტიდან რუსეთი გამარჯვებული ვერ გამოვა.

„მგონი, ჩინეთიც და მთელი მსოფლიოც დარწმუნებულია, რომ ამ კონფლიქტიდან რუსეთი გამარჯვებული ვერ გამოვა, ყოველ შემთხვევაში ისეთი, როგორსაც რუსეთი ფიქრობდა ერთ წლის წინ, თებერვალში. ამ ფორმით რუსეთი ვერ გაიმარჯვებს, დღეს რუსეთის გამარჯვება იქნებოდა ის, რომ სტატუს-კვო ეღიარებინა ვინმეს, როგორც მოლაპარაკების დაწყების პოზიცია, ესაა სწორედ მიუღებელი უკრაინისთვის, ამისთვის იბრძვის დღეს რუსეთი, მაგრამ ამ პირობებში, ესეც შეუძლებელია“,- განაცხადა კვაშილავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს