„ტოპლაინ ქონსთრაქშენი“ შეკვეთილში კიდევ ერთ, ახალ პროექტს იწყებს. „ფიდელიოს“ შემდეგ „სისაიდი“ უკვე მესამე კომპლექსია, რომელსაც კომპანია გურიის ზღვისპირეთში, დიდი მოთხოვნიდან გამომდინარე ახორციელებს. შესაბამისად, შეიძლება ითქვას, რომ „ტოპლაინი“ უძრავ ქონებას ყველა სეგმენტისთვის ხელმისაწვდომს ხდის.

„სისაიდი“ 4-სართულიანი კორპუსია, რომელიც ზღვიდან 70 მეტრში, შეკვეთილის ფიჭვნარისა და ნაძვნარის ტყეში მდებარეობს. „ტოპლაინის“ ყველა პროექტის მსგავსად, ეს უკანასკნელიც არქიტექტურული კუთხით გამორჩეული და დახვეწილია.

მომხმარებლების ინტერესებზე გათვლილი, ნათელი, მყუდრო ბინების ფართი 38 კვ.მ-დან - 68 კვ.მ-მდე იქნება, რომლის ყველა საძინებელი იზოლირებულია. თუმცა, „ფიდელიოსგან“ განსხვავებით, „შეკვეთილი სისაიდი“ ე. წ. თეთრი კარკასის კონდიციით ბარდება.

ახალი კორპუსის პირველი სართული საპარკინგე სივრცეს, დანარჩენი სამი - საცხოვრებელ ბინებს დაეთმობა. A ბლოკში ჯამში 18 ბინა განთავსდება.

აღსანიშნავია, რომ კომპანიამ საკუთარი ხელწერა არც „სისაიდის“ შემთხვევაში დაივიწყა და მოსასვენებელი სივრცე აქაც გათვალისწინებულია. კერძოდ, საცხოვრებელი კორპუსის ეზოში განთავსდება როგორც ღია აუზი, ასევე დამატებითი სივრცეები.

რაც შეეხება ღირებულებას, ბაზარზე არსებული საფასო პოლიტიკიდან გამომდინარე, საკმაოდ კონკურენტუნარიანია და კვადრატული მეტრის ფასი 900 $-დან (ეკვივალენტი ლარში) იწყება.

„ტოპლაინ ქონსთრაქშენის“ ახალი პროექტის დასრულება 2024 წლის მარტში იგეგმება.

შეგახსენებთ, რომ „ფიდელიო“ „ტოპლაინის“ ერთ-ერთ ყველაზე მასშტაბურ პროექტია შეკვეთილში. ეს არის პრემიუმ კლასის, 82 აპარტამენტისგან შემდგარი სასტუმროს ტიპის საცხოვრებელი, რომელიც ზღვიდან 150 მეტრში, ტყის კორომში მდებარეობს.

რაც მთავარია, „ტოპლაინ ქონსთრაქშენი“ „ფიდელიოს“ მომხმარებლებს ენერგოეფექტურ, კეთილმოწყობილ აპარტამენტებს რემონტით, ავეჯითა და ტექნიკით ჩააბარებს.

გარდა ამისა, კომპანიის მომსახურებაში შედის: დაცვის სამსახური, ვიდეო კონტროლი, 24/7-ზე, შიდა და გარე ტერიტორიის დასუფთავება, კონსიერჟის მომსახურება და გაქირავების სერვისი.

(R)