ბორდერიზაცია და გარეჯთან დაკავშირებული საკითხი წინა ხელისუფლების დატოვებული პრობლემებია, რომლებსაც ვერც ერთ დღეში, ვერც ერთ თვეში და თუნდაც, ვერც ერთ წელიწადში ვერ გადაჭრი, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან საუბრისას განაცხადა.

მისივე თქმით, აღნიშნული საკითხები თანდათანობით, მოლაპარაკებების საფუძველზე უნდა გადაიჭრას.

„ეს არის წინა ხელისუფლების მიერ დატოვებული პრობლემები და ეს პრობლემები უნდა გადაიჭრას თანდათანობით, მოლაპარაკებების საფუძველზე, მაგრამ იმდენად გაართულა წინა ხელისუფლებამ ეს საკითხები, მათ შორის, გარეჯთან დაკავშირებული საკითხები, ბორდერიზაციასთან დაკავშირებული საკითხი, რომ, რა თქმა უნდა, მარტივი არ არის ამ პრობლემების გადაჭრა, მაგრამ მოლაპარაკებებით შეიძლება გადაწყდეს ნებისმიერი საკითხი. ჩვენს მეგობრებთან უნდა გვქონდეს მოლაპარაკებები გარეჯის თემაზე. აზერბაიჯანი არის ჩვენი მეგობარი ქვეყანა და მეგობრული მოლაპარაკებებით შეიძლება გადაიჭრას ის საკითხები, რომლებიც არის საინტერესო ერთი და მეორე ქვეყნისთვის,“ -განაცხადა კობახიძემ.