თქვენი კორუმპირებული ხელისუფლების პირობებში შეიქმნა ინფრასტრუქტურა სანქციების რეჟიმის გვერდის ასავლელად, - ამ განცხადებით ფინანსთა მინისტრს ლაშა ხუციშვილს “ლელოს“ დეპუტატმა სალომე სამადაშვილმა პარლამენტის სხდომაზე მიმართა.

სამადაშვილი დაინტერესდა, არის თუ არა გამოვლენილი სანქციებისთვის გვერდის ავლის შემთხვევები და რეაგირებისთვის რა ზომებია მიღებული.

„სანქციების რეჟიმის დარღვევაზე თქვენთან მხოლოდ ოპოზიციას არა აქვს პრეტენზიები - პრეტენზიები აქვთ ჩვენს დასავლელ პარტნიორებს. არაერთხელ გაგაფრთხილეს, რომ სრულიად პრიორიტეტულია, რომ საქართველოს ხელისუფლებამ სანქციების რეჟიმის დაცვა უზრუნველყოს. თუ ექსპორტის მაჩვენებლებს შევხედავთ, ნათელია, შეუიარაღებელი თვალითაც ჩანს და არ არის აუცილებელი დატრენინგებულიყო იყო, რათა დაინახო, რომ თქვენი კორუმპირებული ხელისუფლების პირობებში შეიქმნა ინფრასტრუქტურა სანქციების რეჟიმის გვერდის ასავლელად. აქ რომ გამოხვედით და ბევრი ისაუბრეთ იმის თაობაზე, რომ ვიღაცის ტექნიკური დახმარებით თქვენი მთავრობა იღებს ფულს, რათა ხალხი დაატრენინგოს, საერთოდ არსებობს გამოვლენილი შემთხვევა, როცა ჩვენი ქვეყნის ტერიტორიაზე სანქციებისთვის გვერდის ავლის მცდელობას ჰქონდა ადგილი?“ - მიმართა კითხვის სალომე სამადაშვილმა ფინანსთა მინისტრს.

პარლამენტის პლენარულ სხდომაზე ლაშა ხუციშვილს “მინისტრის საათის“ ფორმატში უსმენენ.