ბაჩუკი ქარდავამ, შესაძლოა, ფრაქცია „ნაციონალური მოძრაობა - გაერთიანებული ოპოზიცია - ძალა ერთობაშია“ დატოვოს.

როგორც მან აღნიშნა, გაიმართება შეხვედრა და ამის შემდეგ იტყვის, წავა თუ არა ფრაქციიდან.

მისი თქმით, თუ ფრაქციიდან წავა, პარლამენტში დამოუკიდებელ დეპუტატად დარჩება.

„ვფიქრობ, მაგრამ საბოლოო გადაწყვეტილება იქნება მას შემდეგ, რაც გაირკვევა აზრთა სხვადასხვაობა რჩება თუ იცვლება. ზოგადად, მთავარი საკითხია თანმიმდევრული პოლიტიკა, ერთ-ერთი საკითხია ნაწილობრივი ბოიკოტი, რადგან ბოიკოტი მე ვიცი სრული, პარლამენტის ლეგიტიმაციის არაღიარებით. ეს ბოიკოტი არის უაზრობა და ეს უნდა მოიხსნას. თუ „ნაციონალური მოძრაობა“ იგივე რეჟიმში დარჩება, მე პარლამენტში მუშაობას ისე გავაგრძელებ, როგორც სწორად მიმაჩნია - ბოიკოტის შეწყვეტას ვგულისხმობ“, - განაცხადა ქარდავამ.