საგარეო ურთიერთობათა კომიტეტმა ევროკავშირი-საქართველოს ასოცირების საპარლამენტო კომიტეტში საქართველოს პარლამენტის მუდმივმოქმედი დელეგაციის საქმიანობის შესახებ ანგარიში მოისმინა

საგარეო ურთიერთობათა კომიტეტის სხდომაზე ევროკავშირი-საქართველოს ასოცირების საპარლამენტო კომიტეტში (EU-Georgia Parliamentary Association Committee) საქართველოს პარლამენტის მუდმივმოქმედი დელეგაციის საქმიანობის შესახებ 2022 წლის ანგარიში დელეგაციის ხელმძღვანელმა მაკა ბოჭორიშვილმა წარადგინა.

ამის შესახებ ინფორმაციას საქართველოს პარლამენტი ავრცელებს.

ევროკავშირი-საქართველოს ასოცირების საპარლამენტო კომიტეტის თანათავმჯდომარის ინფორმაციით, საანგარიშო პერიოდში კომიტეტის ორი შეხვედრა როტაციით, ბრიუსელსა და საქართველოში გაიმართა, რომელშიც საქართველოს პარლამენტის დელეგაციის გარდა, აღმასრულებელი ხელისუფლების წარმომადგენლებიც მონაწილეობდნენ.

პარლამენტის ცნობით, შეხვედრებისას განიხილეს ასოცირების შესახებ შეთანხმების განხორციელების პროცესი, ქვეყანაში მიმდინარე და დაგეგმილი დემოკრატიული რეფორმები, ადამიანის უფლებების დაცვის მდგომარეობა, ღრმა და ყოვლისმომცველი თავისუფალი სავაჭრო სივრცის შესახებ შეთანხმების განხორციელების პროცესი ასევე, ოკუპირებულ ტერიტორიებზე არსებული ვითარება.

„ჩვენი პრიორიტეტია ეს ფორმატი მაქსიმალურად გამოვიყენოთ ევროკავშირთან სხვადასხვა სექტორებში თანამშრომლობაზე სასაუბროდ. სწორედ ამიტომ ბრიუსელში გამართული სხდომისას, საქართველოს დელეგაციის შეთავაზებით, ევროკავშირის ერთიან ციფრულ ბაზარზე ჩვენი ქვეყნის ინტეგრაციის კუთხით არსებული სიტუაცია, გარემოს დაცვისა და ევროპის „მწვანე შეთანხმებასთან“ დაკავშირებული საკითხები განვიხილეთ“, - აღნიშნა მაკა ბოჭორიშვილმა.

მისი ინფორმაციით, სექტემბერში გამართულ სხდომაზე, კომიტეტმა ევროკავშირთან დაკავშირებადობის მიმართულებით არსებულ თანამშრომლობაზე, მათ შორის, ტრანსპორტისა და ლოჯისტიკის, ენერგეტიკისა და ციფრული დაკავშირებადობის სფეროებში საქართველო-ევროკავშირის პარტნიორობასა და დასაქმების, საზოგადოებრივი ჯანდაცვისა და სოციალურ პოლიტიკაზე, ასევე ჯანმრთელობის ეროვნული სტრატეგიის განვითარებაზე ისაუბრეს.

„სექტემბრის შეხვედრა საქართველოს მიერ ევროკავშირის წევრობაზე გაკეთებული განაცხადის შემდგომ პერიოდში გაიმართა. საქართველოს ამ დროს უკვე მიღებული ჰქონდა ევროკომისიის 12 რეკომენდაცია. საქართველოს პარლამენტში დაწყებული იყო ამ რეკომენდაციების შესრულების პროცესი შესაბამისად, ჩვენ უკვე გვქონდა შესაძლებლობა გვესაუბრა ამ პროცესზე და აღნიშნულ საკითხებთან დაკავშირებით, ევროპარლამენტარების მოსაზრებები მოგვესმინა რაც აისახა კიდეც საქართველო-ევროკავშირის საპარლამენტო ასოცირების კომიტეტის თანათავმჯდომარის, მარინა კალიურანდის მიერ გაკეთებულ განცხადებაში, სადაც დადებითადაა შეფასებულია საქართველოში მიღწეული მნიშვნელოვანი პროგრესი ასოცირების შეთანხმებისა და ღრმა და ყოვლისმომცველი თავისუფალი სავაჭრო სივრცის შესახებ შეთანხმების განხორციელების მხრივ, რაც ევროკავშირთან პოლიტიკური, ეკონომიკური და სექტორული ინტეგრაციის მნიშვნელოვან წინგადადგმულ ნაბიჯს წარმოადგენს“, - განაცხადა მაკა ბოჭორიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს