პარლამენტის პლენარულ სხდომაზე პრემიერ-მინისტრის ინტერპელაციის წესით მოსმენა სიტყვიერი დაპირისპირებით დასრულდა.

დაპირისპირება პრემიერ ირაკლი ღარიბაშვილის მიერ დეპუტატ გუბაზ სანიკიძისადმი გაკეთებულ შეფასებას მოჰყვა. დასკვითი სიტყვის ბოლოს ღარიბაშვილმა სანიკიძეს მიმართა, მას “მოღალატე“ და გამყიდველი“ უწოდა და ისიც განაცხადა, რომ გუბაზ სანიკიძე 100 ათასს დოლარად გაიყიდა.

აღნიშნულის საპასუხოდ სანიკიძემ პრემიერის მისამართით შეიგინა.

სანიკიძის პრემიერისადმი მიმართვის პასუხად უმრავლესობის დეპუტატები ოპოზიციონერ კოლეგას სიტყვიერად დაუპირისპირდნენ, მას უწმაწური სიტყვებით მიმართეს, ამასთან, „ფარჩაკი“, „ნაძირალა“ და „მაიმუნი“ უწოდეს.

პლენარულ სხდომაზე ადგილი ჰქონდა ფიზიკურად დაპირისპირების მცდელობას, თუმცა მანდატურების ჩარევის შედეგად ეს ვერ შესძლეს.