ბოლო პერიოდში პრეზიდენტი არის უკიდურესად ტენდენციური, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ განაცხადა.

მისი თქმით, ამის მაგალითია გუშინ, სალომე ზურაბიშვილის მიერ ჩატარებული ბრიფინგი, რომელიც „ძალიან ტენდენციური“ იყო.

„ასევე [სალომე ზურაბიშვილის] უკიდურესად ტენდენციურ გამოსვლას ველოდებით საქართველოს პარლამენტში, მაგრამ ჩვენ პატივს ვცემთ ინსტიტუტებს და დიდი ყურადღებით მოვუსმენთ მის თითოეულ სიტყვას. რასაც ობიექტურად იტყვის, ამაზე აუცილებლად ვიტყვით, რომ ობიექტურია, რაზეც იქნება სუბიექტური და ტენდენციური, ამასაც აუცილებლად აღვნიშნავთ. მარტივი ამბავია“, - განაცხადა მდინარაძემ.