ტარიელ ნაკაიძე პრობლემური არის თავისი საქმიანობით. მასთან დაკავშირებით ჩვენ ბევრი ინფორმაცია გვაქვს, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა, როდესაც უპასუხა დასმულ შეკითხვას, თუ რომელი ქვეყნის აგენტია ტარიელ ნაკაიძე.

მისი თქმით, მუსლიმთა თემით სპეკულირება ხდება.

„მინდა ძალიან მძიმედ შევაფასო ის განცხადებები, რაც მიზნად ისახავს ამ თემით სპეკულირებას, მათ შორის სამწუხაროდ, რადიკალური ოპოზიციის წარმომადგენლები ცდილობენ ამ თემით სპეკულირებას. სინამდვილეში, რეალობა არის სხვა. ტარიელ ნაკაიძე პრობლემური არის თავისი საქმიანობით. მასთან დაკავშირებით ჩვენ ბევრი ინფორმაცია გვაქვს. ამ დეტალებზე არ ვისაუბრებ, მაგრამ ის თავისი საქმიანობით სწორედ რომ უპირისპირდება ჩვენს ძალიან ძვირფას მუსლიმურ თემს. ტარიელ ნაკაიძე თავისი საქმიანობით უპირისპირდება მუსლიმური თემის ინტერესებს“, - განაცხადა კობახიძემ.