ვაჟა-ფშაველას გამზირს რეაბილიტაცია წელს აღარ ჩაუტარდება, აკაკი წერეთლის გამზირზე კი, სარეაბილიტაციო სამუშაოები უახლოეს დღეებში დაიწყება

ვაჟა-ფშაველას გამზირს რეაბილიტაცია მიმდინარე წელს აღარ ჩაუტარდება. რაც შეეხება აკაკი წერეთლის გამზირის რეაბილიტაციას, როგორც „ინტერპრესნიუსს“ თბილისის მერიაში განუცხადეს, ტენდერი უკვე დასრულებულია, გამარჯვებულ კომპანიებს ხელშეკრულება უკვე გაფორმებული აქვთ, უშუალოდ სამუშაოები კი უახლოეს მომავალში დაიწყება.

„[ვაჟა-ფშაველას გამზირს] მიმდინარე წელს არ ჩაუტარდება რეაბილიტაცია, დანარჩენი ინფორმაცია გამოქვეყნდება. უახლოეს გეგმებში იყო გათვალისწინებული, თუმცა მიმდინარე წლის ბიუჯეტი რომ დაზუსტდა, ბიუჯეტში აღარ იყო. ანუ როცა გაჟღერდა უახლოესი წლების გეგმები და დიდი პროექტები, იქ იყო მოხსენიებული“, - აღნიშნეს თბილისის მერიაში.

როგორც სახელმწიფო შესყიდვების სააგენტოს ვებგვერდზე გამოქვეყნებულ ინფორმაციაშია ნათქვამი, წერეთლის გამზირის რეაბილიტაცია სამ მონაკვეთადაა დაყოფილი ცაბაძის ქუჩიდან გვეტაძის ქუჩამდე, გვეტაძის ქუჩიდან სამტრედიის ქუჩამდე და სამტრედიის ქუჩიდან დიდუბის ხიდამდე, საიდანაც ორ ტენდერზე ერთმა კომპანიამ შპს „მილენიუმ ბილდერს გრუპმა“ გაიმარჯვა, დარჩენილი ერთი მონაკვეთის სამუშაოებს კი მეორე კომპანია შპს „ერ ტე დე“ განახორციელებს.

სატენდერო დოკუმენტაციის მიხედვით, სამუშაოების ჯამური ღირებულება 30 453 589 ლარს შეადგენს. უშუალოდ სამუშაოები კი 2024 წლის იანვარში უნდა დასრულდეს.

ამასთან, თბილისის მერიის ინფორმაციით, წერეთლის გამზირის რეაბილიტაციასთან ერთად დაგეგმილია ე.წ. დიდუბის ხიდის (შალიკაშვილის სახელობის ხიდის) რეაბილიტაციაც.

ვიტალი ბალა - ზელენსკის ჰქონდა შანსი გაეკეთებინა ის, რაზეც უკრაინაში ერთ წელზე მეტია საუბრობენ - შეექმნა უკრაინის ეროვნული ერთობის მთავრობა, მაგრამ მან მოქმედების სხვა გზა არჩია
ქართული პრესის მიმოხილვა 09.09.2024
ლევან ლორთქიფანიძე - ქვეყანას დიალოგი სჭირდება, რათა საბედისწერო ჟამს ურთიერთგანსხვავებული არგუმენტების შეჯერება შევძლოთ და მოშხამული პოლიტიკური გარემო პარტიათა მწვავე კონკურენციის რეჟიმით ჩავანაცვლოთ
პროკრედიტ ბანკის 25 წლიანი წარმატების ისტორია - საქართველოში საქართველოსთვის
არქიმ სპეციალურად არქელებისთვის ევროპული სტანდარტის სპორტული დარბაზი გახსნა
ანა ხურციძე საქართველოს უნივერსიტეტის სამართლის სკოლის დირექტორი და დავის გადაწყვეტის საერთაშორისო აკადემიის ახალი არჩეული პრეზიდენტი
„იყიდე რაც გჭირდება და რაც გულით გინდა ისიც მოგივა“ - CashBack -ისა და VISA - ს ერთობლივი აქცია იწყება