„ერთიანი ნაციონალური მოძრაობის“ თავმჯდომარე ლევან ხაბეიშვილმა ქუთაისში, მოსახლეობას 9 აპრილის აქციაზე მისვლისკენ მოუწოდა და განაცხადა, რომ ყველას მონაწილეობა მნიშვნელოვანია, რათა „უარი ვუთხრათ რუსულ მთავრობას და კრიმინალურ რეჟიმს“.

„ერთიანი ნაციონალურ მოძრაობის“ ინფორმაციით, 9 აპრილის აქციის კამპანიის ფარგლებში, ქუთაისში, ბაზარში „ნაციონალურ მოძრაობის“ თავმჯდომარემ ლევან ხაბეიშვილმა, პარტიის ლიდერებთან, გიორგი ბოტკოველთან, დევი ჭანკოტაძესთან და ადგილობრივ ლიდერებთან ერთად, 9 აპრილის აქციის საინფორმაციო ფლაერები დაარიგეს და მოსახლეობა 9 აპრილს, 17:00 საათზე, რუსთაველზე მიიწვიეს.

„სლოგანი „ერთად ევროპაში“, ქუთაისელებს ყველაზე კარგად ესმით და ქუთაისი არის ერთ-ერთი გამორჩეული ევროპული ქალაქი და ქუთაისელებიც, კახელებიც, რაჭველებიც, უნდა შევიკრიბოთ 9 აპრილს ერთად, რათა დავამკვიდროთ ამ ქვეყანაში ისეთი რამ, რასაც ვერასდროს ვერც რუსი ივანიშვილი და ვერც, ვერცერთი ხელისუფლება ვერ შეცვლის, ეს არის ჩვენი ქვეყნის ევროპული მომავალი“, - განაცხადა გიორგი ბოტკოველმა.