"სტრატეგია აღმაშენებლის" ლიდერის გიორგი ვაშაძის განცხადებით, "ნაციონალური მოძრაობის" მიერ დღეს დაანონსებულ აქციაზე აუცილებლად მივა.

როგორც მან ჟურნალისტებს განუცხადა, ეს არის სახალხო შეკრება.

"მე დღეს აქციაზე ვიქნები. ეს არ არის ერთი პარტიის აქცია, ეს არის პოლიტიკური პარტიების, საზოგადოების აქცია, ბევრი ადამიანი არის ჩართული, ამიტომ, ეს არის სახალხო შეკრება. 9 აპრილს ყოველთვის ბევრი უნდა ვიყოთ იმიტომ, რომ ეს არის საქართველოს დამოუკიდებლობის აღდგენის დღე. დღევანდელ შეკრებას აქვს კონკრეტული მიზანი- ვაჩვენოთ მთელ საქართველოს და მთელ მსოფლიოს, რომ ჩვენ ვაგრძელებთ ბრძოლას ევროპული პერსპექტივისთვის. ყველაფერს გავაკეთებთ, რომ წლის ბოლოს ევროკავშირის კანდიდატის სტატუსი მივიღოთ. ეს არის პატივისცემა ჩვენს გმირებთან მიმართებით, ვინც თავი შესწირა საქართველოს დამოუკიდებლობას და თავისუფლებას. ამიტომ, მე ამ აქციაზე აუცილებლად ვიქნები", - განაცხადა ვაშაძემ.

ცნობისთვის, „ერთიანი ნაციონალური მოძრაობა“ აქციას გამართავს. აქცია თბილისში, რუსთაველის გამზირზე 17:00 საათზე დაიწყება.

აქციის მიზანი ევროპული არჩევანის მხარდაჭერაა.