მე არ მეგულება დიქტატორი, რომლის გამოსწორებაზეც ხალხმა უნდა იზრუნოს. დიქტატორი უნდა გადააგდო! ამ სიტყვის ნურავის შეეშინდება! - ამის შესახებ „კანონი და სამართლის“ ლიდერმა, თაკო ჩარკვიანმა პარლამენტთან მიმდინარე აქციაზე განაცხადა, რომელიც „ნაციონალური მოძრაობის“ ორგანიზებით იმართება.

როგორც მან სიტყვით გამოსვლისას განაცხადა, ხელისუფლების წარმომადგენლები ქვეყნის ევროინტეგრაციას ეწინააღმდეგებიან და „კონსტიტუცია აგვიფეთქეს“.

„მომავალ საქართველოში არ მეგულება ადამიანი, რომელიც იტყვის, რომ ლაზარე გრიგორიადისი „კოქტეილის“ სროლის გამო დააკავესო. ხალხნო „მოლოტოვის კოქტეილი“ კი არა, სამშობლოს გვიფეთქებს ვიღაცა ჩარჩი ოლიგარქი! კონსტიტუცია აგვიფეთქეს! 78-ე მუხლი! ანუ ევროინტეგრაციას ეწინააღმდეგებოდნენ! მე არ მეგულება დიქტატორი, რომლის გამოსწორებაზეც ხალხმა უნდა იზრუნოს, დიქტატორი უნდა გადააგდო! ამ სიტყვის ნურავის შეეშინდება!,“ - განაცხადა ჩარკვიანმა.