სამწუხაროდ, რესპუბლიკურ საავადმყოფოს არ აქვს იმდენი შემოსავალი, რომ სრულად მოემსახუროს ხარჯებს, როგორც პერსონალის ხელფასებს, ისე სახარჯს მასალებს, კომუნალურებს და სხვას - სრულყოფილად ვერ ფუნქციონირებს ყველა მიმართულება, - ამის შესახებ ჯანდაცვის მინისტრმა, ზურაბ აზარაშვილმა მთავრობის სხდომის დასრულებისას განაცხადა.

როგორც მინისტრი განმარტავს, რესპუბლიკურ საავადმყოფოში 900-მდე თანამშრომელია დასაქმებული.

„რაც შეეხება ხელფასებს, დღეს, დაახლოებით 900-მდე თანამშრომელია დასაქმებული და დაახლოებით მილიონ ნახევარი, მილიონ 700 ათასი ლარის ფარგლებშია. ფინანსური მდგომარეობიდან გამომდინარე, ყოველთვე გვიწევს დაახლოებით მილიონ ნახევრის ფარგლებში დამატება.

სამწუხაროდ, კლინიკას არ აქვს იმდენი შემოსავალი, რომ სრულად მოემსახუროს თავის ხარჯებს, როგორც პერსონალის ხელფასებს, ასევე სახარჯ მასალებს, კომუნალურებს და სხვას, რაც კლინიკასთან არის დაკავშირებული. სრულყოფილად ვერ ფუნქციონირებს ყველა მიმართულება. ამ ხარჯის ნაწილში დღესაც იგივე კითხვა ჰქონდათ. მზად ვარ და დღესაც ვწევთ ამ ხარჯს შემოსავლის მიუხედავად“,- აღნიშნავს მინისტრი.