ლევან ბეჟაშვილი - სტრასბურგში სარჩელის გაგზავნა კიდევ ერთი ნაბიჯი და მცდელობაა, რომ მიხეილ სააკაშვილის სიცოცხლე და ჯანმრთელობა გადარჩეს
სტრასბურგში მიხეილ სააკაშვილის საქმესთან დაკავშირებით სარჩელი გაგზავნილია - ეს არის კიდევ ერთი ნაბიჯი და მცდელობა, რომ მიხეილ სააკაშვილის სიცოცხლე და ჯანმრთელობა გადარჩეს, - ამის შესახებ "ნაციონალური მოძრაობის" დეპუტატმა ლევან ბეჟაშვილმა განაცხადა.
მისი თქმით, სარჩელს თან ერთვის კონსილიუმის მიერ მომზადებული დასკვნა.
"სტრასბურგში მიხეილ სააკაშვილის საქმესთან დაკავშირებით სარჩელი გაგზავნილია. ამ სარჩელის მომზადება უკავშირდებოდა დამოუკიდებელი კონსილიუმის შესაბამის დასკვნას და მისი სხვა მტკიცებულებებში ასახვას და სხვა პროცედურულ საკითხებს.
ვიმედოვნებთ, სტრასბურგის სასამართლო ამ საკითხს განიხილავს სამართლებრივ ჭრილში, ჰუმანიტარულ ჭრილში და მიიღებს შესაბამის გადაწყვეტილებას. წინასწარ მოლოდინის შექმნა, რა შინაარსის იქნება ეს გადაწყვეტილება, ბუნებრივია, შეუძლებელია. ეს არის კიდევ ერთი ნაბიჯი და მცდელობა, რომ მიხეილ სააკაშვილის სიცოცხლე და ჯანმრთელობა გადარჩეს,"- განაცხადა ბეჟაშვილმა.
