ბექა ოდიშარია - ქართულ დიასპორაში ეროვნული იდენტობის, ენისა და საქართველოს შესახებ ცოდნის შენარჩუნება სახელმწიფოს ფუნდამენტური ფუნქციაა

პარლამენტის დიასპორისა და კავკასიის საკითხთა კომიტეტის თავმჯდომარე ბექა ოდიშარია განათლებისა და მეცნიერების სამინისტროს საერთაშორისო ურთიერთობებისა და სტრატეგიული განვითარების დეპარტამენტის უფროსს, კახა ხანდოლიშვილს და ამავე დეპარტამენტის საერთაშორისო თანამშრომლობისა და დიასპორასთან ურთიერთობის სამმართველოს უფროსს, ანა ლუკავას შეხვდა.

ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შეხვედრაზე სამინისტროს მიერ ქართული დიასპორის მიმართულებით განხორციელებულ საქმიანობაზე, მიმდინარე და დაგეგმილ პროექტებზე, უცხოეთში ქართული საკვირაო სკოლების ფუნქციონირებასა და არსებულ გამოწვევებზე ისაუბრეს.

ბექა ოდიშარიას განცხადებით, მნიშვნელოვანია დიასპორის მონაწილეობით საგანმანათლებლო და სამეცნიერო პროექტების განხორციელება და ამ კუთხით სამინისტროს ძალისხმევას დიდი მნიშვნელობა ენიჭება.

„ქართულ დიასპორაში ეროვნული იდენტობის, ქართული ენისა და საქართველოს შესახებ ცოდნის შენარჩუნება სახელმწიფოს ფუნდამენტური ფუნქციაა.

ჩვენი მიზანი უნდა იყოს განათლებისა და მეცნიერების სფეროში უცხოეთში მოღვაწე თანამემამულეების იდენტიფიცირება და მხარდაჭერა, მათი სამეცნიერო პოტენციალის სრულყოფილი გამოყენება ქვეყნის აღმშენებლობის საქმეში", - განაცხადა ბექა ოდიშარიამ.

ამასთან, ინფორმაციაში ნათქვამია, რომ როგორც სამინისტროს წარმომადგენლებმა აღნიშნეს, მათი საქმიანობის პრიორიტეტულ მიმართულებებად განსაზღვრულია უცხოეთში ქართველოლოგიური ცენტრების ფუნქციონირების გაძლიერება და გაზრდა, დიასპორის ახალგაზრდა წარმომადგენლებისთვის უმაღლესი განათლების მიღების გამარტივება და ხელშეწყობა.

„მხარეები შეთანხმდნენ, რომ დიასპორის მიმართულებით საგანმანათლებლო და სამეცნიერო საქმიანობასთან დაკავშირებულ აქტუალურ საკითხებზე საჭიროა გაიმართოს საკომიტეტო მოსმენა, დარგობრივი უწყებების, ექსპერტებისა და დაინტერესებული საზოგადოების მონაწილეობით”, - აღნიშნულია ინფორმაციაში.

კახა გოგოლაშვილი - ძალიან სამწუხაროა, რომ საქართველოში დადგა დრო, როდესაც შესაძლებელია აშკარა ტყუილებით პოლიტიკის კეთება
ქართული პრესის მიმოხილვა 09.09.2024
ვიტალი ბალა - ზელენსკის ჰქონდა შანსი გაეკეთებინა ის, რაზეც უკრაინაში ერთ წელზე მეტია საუბრობენ - შეექმნა უკრაინის ეროვნული ერთობის მთავრობა, მაგრამ მან მოქმედების სხვა გზა არჩია
პროკრედიტ ბანკის 25 წლიანი წარმატების ისტორია - საქართველოში საქართველოსთვის
არქიმ სპეციალურად არქელებისთვის ევროპული სტანდარტის სპორტული დარბაზი გახსნა
ანა ხურციძე საქართველოს უნივერსიტეტის სამართლის სკოლის დირექტორი და დავის გადაწყვეტის საერთაშორისო აკადემიის ახალი არჩეული პრეზიდენტი
„იყიდე რაც გჭირდება და რაც გულით გინდა ისიც მოგივა“ - CashBack -ისა და VISA - ს ერთობლივი აქცია იწყება